அமெரிக்க ஜனாதிபதி டொனால்ட் டிரம்ப், சிஎன்என் (CNN), எம்.எஸ் நவ் (MS NOW) மற்றும் பாலிடிகோ (Politico) ஆகிய முன்னணி செய்தி நிறுவனங்களுக்கு வெள்ளை மாளிகைக்குள் நுழைய விதித்த தடையை உடனடியாக நீக்குமாறு அமெரிக்க கூட்டாட்சி நீதிமன்றம் உத்தரவிட்டுள்ளது.
வெள்ளை மாளிகை அணுகலைத் தடை செய்த டிரம்ப்பின் நடவடிக்கை, அமெரிக்க அரசியலமைப்புச் சட்டத்திற்கு முரணானது என நீதிபதி டிமோதி கெல்லி சுட்டிக்காட்டியுள்ளார்.
சமீபத்தில் இந்த மூன்று ஊடகங்களும் தனக்கு எதிராக பொய் செய்திகளை (Fake News) பரப்புவதாகக் கூறி, வெள்ளை மாளிகைக்குள் செய்தி சேகரிக்க அதிபர் டிரம்ப் தடை விதித்தார். இந்த தடையை எதிர்த்து குறித்த செய்தி நிறுவனங்கள் நீதிமன்றத்தில் வழக்குத் தொடர்ந்தன.
வழக்கை விசாரித்த நீதிபதி, பத்திரிகைச் சுதந்திரம் மற்றும் கருத்துச் சுதந்திரத்தை பாதுகாக்கும் அரசியலமைப்பின் முதல் திருத்தத்தை (First Amendment) சுட்டிக்காட்டி, செய்தி நிறுவனங்களின் வெள்ளை மாளிகை அனுமதிச் சீட்டுகளை (Press Credentials) உடனடியாக மீண்டும் வழங்குமாறு உத்தரவிட்டுள்ளார். டிரம்ப் நிர்வாகத்திற்கு கிடைத்துள்ள இந்தத் தீர்ப்பு பெரும் பின்னடைவாகப் பார்க்கப்படுகிறது.
