இந்திய வெளிவிவகார அமைச்சர் எஸ். ஜெய்சங்கர், இன்று (1) முற்பகல் மக்கள் விடுதலை முன்னணியின் (JVP) பிரதான செயலாளர் டில்வின் சில்வா தலைமையிலான இலங்கை பிரதிநிதிகள் குழுவை சந்தித்துள்ளார்.
இந்த சந்திப்பின் பின்னர் கருத்து வெளியிட்ட ஜெய்சங்கர், இலங்கை பிரதிநிதிகள் குழுவை சந்தித்ததில் மகிழ்ச்சியடைவதாக தெரிவித்துள்ளார்.
அத்துடன், இரு நாடுகளுக்கும் இடையில் நிலவும் ஆழமான நட்புறவு மற்றும் பிணைப்புகளை மேலும் வலுப்படுத்துவது தொடர்பில் “சிறந்த கலந்துரையாடல்” ஒன்று இடம்பெற்றதாகவும் அவர் தனது பேஸ்புக் பதிவில் தெரிவித்துள்ளார்.
இலங்கையின் முன்னேற்றம் மற்றும் செழிப்புக்கு எப்போதும் ஆதரவளிக்கும் “நம்பகமான பங்காளியாக” இந்தியா தொடர்ந்தும் செயற்படும் எனவும் ஜெய்சங்கர் உறுதியளித்துள்ளார்.
