அரசாங்கத்திற்கு எதிரான குற்றப்பத்திரிகை விரைவில்: விமல் வீரவன்ச

அரசாங்கத்தின் தற்போதைய பொறுப்பற்ற வேலைத்திட்டங்கள் தொடர்பில் தயாரிக்கப்பட்ட குற்றப்பத்திரிகை விரைவில் நாட்டுக்கு சமர்ப்பிக்கப்படும் என தேசிய சுதந்திர முன்னணியின் தலைவர் விமல் வீரவன்ச தெரிவித்துள்ளார்.

இந்த குற்றப்பத்திரிகையை அவரது கட்சி மற்றும் 11 நட்பு கட்சிகள் தாக்கல் செய்துள்ளதாக விமல் வீரவன்ச தெரிவித்துள்ளார்.

இலங்கையில் உள்ள கம்யூனிஸ்ட் கட்சியின் தலைமையகத்தில் 11 கட்சிகளின் தலைவர்களுக்கு இடையில் இடம்பெற்ற விசேட கலந்துரையாடலின் பின்னர் ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.

இதன்போது, அரசாங்கத்தின் தற்போதைய நெருக்கடி வேலைத்திட்டத்திற்கு எதிராக கடும் நடவடிக்கை எடுக்கப்படும் எனவும் விமல் வீரவன்ச ஊடகங்களுக்கு தெரிவித்துள்ளார்.

இந்நிகழ்வில் அமைச்சர் வாசுதேவ நாணயக்கார, முன்னாள் அமைச்சர் விமல் வீரவன்ச, முன்னாள் அமைச்சர் டியூ குணசேகர, நாடாளுமன்ற உறுப்பினர் அத்துரலியே ரதன தேரர், நாடாளுமன்ற உறுப்பினர் திரன் அலஸ், நாடாளுமன்ற உறுப்பினர் ஏ.எல்.எம். அதாவுல்லா, பாராளுமன்ற உறுப்பினர் வீரசுமண வீரசிங்க, பாராளுமன்ற உறுப்பினர் கவிந்து குமாரதுங்க, பாராளுமன்ற உறுப்பினர் ஜயந்த சமரவீர மற்றும் பலர் கலந்துகொண்டனர்.