வருமான வரி செலுத்துவதற்கான இறுதி நாள் இன்று: உள்நாட்டு இறைவரித் திணைக்களம் எச்சரிக்கை!

2025/2026 மதிப்பீட்டு ஆண்டிற்கான இறுதி வருமான வரியைச் செலுத்துவதற்கான கடைசி நாள் இன்றாகும் (செப்டம்பர் 30) என உள்நாட்டு இறைவரித் திணைக்களம் (IRD) செலுத்துவோருக்கு நினைவூட்டியுள்ளது.

நிறுவனங்கள், தனிநபர்கள் மற்றும் Partnerships சார்பில் வருமான வரி செலுத்தும் அனைத்து வரி செலுத்துவோரும், தங்களுக்கான கொடுப்பனவுகளைச் செய்யும்போது 25260 என்ற கொடுப்பனவு காலக் குறியீட்டைப் (Payment Period Code) பயன்படுத்த வேண்டும் எனத் திணைக்களம் தெரிவித்துள்ளது.

வரி வகை குறியீடுகள் (Tax Type Codes):

• நிறுவன வருமான வரி (Company Income Tax): வரி வகை குறியீடு 02

• தனிநபர் வருமான வரி (Individual Income Tax): வரி வகை குறியீடு 05

• பங்கான்மை வருமான வரி (Partnership Income Tax): வரி வகை குறியீடு 09

வரி செலுத்துவோர் தங்களது கொடுப்பனவுகளை இணையவழி (Online) மூலமாகவோ அல்லது இலங்கை வங்கியின் (Bank of Ceylon) எந்தவொரு கிளையிலும் நேரடியாகவோ செலுத்த முடியும்.

நிர்ணயிக்கப்பட்ட காலக்கெடுவுக்குப் பிறகு செலுத்தப்படும் கொடுப்பனவுகளுக்கு வட்டி மற்றும் அபராதம் விதிக்கப்படும் என எச்சரித்துள்ள உள்நாட்டு இறைவரித் திணைக்களம், இன்றைய தினத்திற்குள் நிலுவைத் தொகையைச் செலுத்துமாறு அறிவுறுத்தியுள்ளது.

இது தொடர்பான கூடுதல் தகவல்களைத் திணைக்களத்தின் 1944 என்ற அவசர உதவி இலக்கத்தைத் தொடர்புகொண்டு பெற்றுக்கொள்ளலாம்.