சபாநாயகர் ஜகத் விக்கிரமரத்னவிற்கு (Dr. Jagath Wickramaratne) எதிராக எதிர்கட்சியினரால் கொண்டுவரப்பட்ட நம்பிக்கையில்லா பிரேரணை, நாடாளுமன்றச் செயலாளர் நாயகம் குஷானி ரோஹணதீரவிடம் அதிகாரப்பூர்வமாகக் கையளிக்கப்பட்டுள்ளது.
44 எதிர்கட்சி நாடாளுமன்ற உறுப்பினர்களின் கையொப்பங்களுடன் இந்தப் பிரேரணை சமர்ப்பிக்கப்பட்டுள்ளது.
இந்த நம்பிக்கையில்லா பிரேரணையில் சபாநாயகருக்கு எதிராக சுமார் 50 குற்றச்சாட்டுகள் முன்வைக்கப்பட்டுள்ளன.
அதில், சபாநாயகரின் தவறான நடத்தைகள், பொதுச் சொத்துக்களை முறைகேடாகப் பயன்படுத்தியமை, நிதி முறைகேடுகள், சுயநலன் சார்ந்த முரண்பாடுகள் (Conflicts of interest) மற்றும் நாடாளுமன்ற வழிமுறைகளை மீறியமை உள்ளிட்ட முக்கிய குற்றச்சாட்டுகள் அடங்கியுள்ளன.
நாடாளுமன்ற நடவடிக்கைகளை நடாத்துவதில் சபாநாயகர் ஒருதலைப்பட்சமாகவும் ஜனநாயகத்திற்குப் புறம்பாகவும் செயல்பட்டுள்ளதாகக் குற்றம்சாட்டியுள்ள எதிர்கட்சியினர், அவர் உடனடியாகத் பதவியிலிருந்து விலக வேண்டும் எனவும் வலியுறுத்தியுள்ளனர்.
