பயங்கரவாதத் தடுப்புச் சட்டத்தின் கீழ் மத்திய குற்றவியல் புலனாய்வுப் பணியகத்தை ஒரு தடுப்புக்காவல் இடமாக அறிவித்து வர்த்தமானி அறிவிப்பு வெளியிடப்பட்டுள்ளது. ஜனாதிபதியினால் வர்த்தமானி அறிவித்தல் வெளியிடப்பட்டுள்ளது.
மத்திய குற்றவியல் புலனாய்வுப் பணியகம் தற்போது கொழும்பு 05 இல் உள்ள தொழிலாளர் செயலகக் கட்டிடத்தில் நிறுவப்பட்டுள்ளது. கடுமையான மற்றும் ஒழுங்கமைக்கப்பட்ட குற்றங்களை விசாரிப்பதற்காக மத்திய குற்றப் புலனாய்வுப் பணியகம் காணப்படுகிறது.
மேலும், இப்பணியகத்தை ஒரு தடுப்புக்காவல் இடமாக வர்த்தமானியில் வெளியிட்டதன் ஊடாக அதன் புலனாய்வு நடவடிக்கைகள் மேலும் வலுப்படுத்தப்படும். இதற்கமைய குற்றவியல் விசாரணைகள் மிகவும் செயற்திறனுடன் முன்னெடுக்கப்படுமென சுட்டிக்காட்டப்பட்டுள்ளது.
இதேவேளை தடுப்புக்காவலின் போது சந்தேக நபர்களின் சட்ட உரிமைகள் அதனுடன் தொடர்புடைய சட்ட நடைமுறைகளுக்கமைய முன்னெடுக்கப்படுவது கட்டாயமென சுட்டிக்காட்டப்பட்டுள்ளது.
