முன்னாள் முதன்மை நீதியரசர் ஷிராணி பண்டாரநாயக்கவின் கணவரும் , தேசிய சேமிப்பு வங்கியின் (National Savings Bank – NSB) முன்னாள் தலைவருமான பிரதீப் காரியவசம், இலஞ்ச ஊழல் ஒழிப்பு ஆணைக்குழுவினால் (Commission to Investigate Allegations of Bribery or Corruption – CIABOC) கைது செய்யப்பட்டுள்ளார்.
முன்னாள் ஜனாதிபதி மஹிந்த ராஜபக்ஷவின் மனைவியான ஷிரந்தி ராஜபக்ஷவின் ‘சிரிலிய சவிய’ திட்டம் தொடர்பான குற்றச்சாட்டுகள் குறித்த விசாரணையின் ஒரு பகுதியாகவே இந்தக் கைது நடவடிக்கை இடம்பெற்றுள்ளது.
இதேவேளை, ஷிரந்தி ராஜபக்ஷவும் லஞ்ச ஊழல் ஒழிப்பு ஆணைக்குழு (CIABOC) அதிகாரிகளால் இன்று (07) கைது செய்யப்பட்டுள்ளார். இந்த விசாரணை தொடர்பாக இன்று காலை அவரது இல்லத்தில் வைத்து வாக்குமூலம் பதிவு செய்யப்பட்ட பின்னரே இவர் கைது செய்யப்பட்டமை குறிப்பிடத்தக்கது.
