Thursday, November 19, 2026

பல பகுதிகளில் 75 மி.மீ பலத்த மழை பெய்யக்கூடும்.

1 min read · 12 reads

தெற்கு மற்றும் ஊவா மாகாணங்களிலும், இரத்தினபுரி மற்றும் அம்பாறை மாவட்டங்களிலும் அவ்வப்போது மழையோ அல்லது இடியுடன் கூடிய மழையோ பெய்யக்கூடும்.

ஏனைய பகுதிகளில், பிற்பகல் 1.00 மணிக்கு மேல் பல இடங்களில் மழையோ அல்லது இடியுடன் கூடிய மழையோ பெய்ய வாய்ப்புள்ளது.

இவ்வாறான பகுதிகளில் சில இடங்களில் 75 மில்லிமீட்டருக்கும் அதிகமான பலத்த மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.

இடியுடன் கூடிய மழையின் போது ஏற்படும் தற்காலிக பலத்த காற்று மற்றும் மின்னல் தாக்கத்தினால் ஏற்படக்கூடிய பாதிப்புகளைக் குறைத்துக்கொள்ள, பொதுமக்கள் தகுந்த முன்னெச்சரிக்கை நடவடிக்கைகளை மேற்கொள்ளுமாறு கேட்டுக்கொள்ளப்படுகிறார்கள்.

சப்ரகமுவ, மத்திய மற்றும் ஊவா மாகாணங்களின் சில பகுதிகளில் அதிகாலை வேளையில் பனிமூட்டமான சூழல் நிலவக்கூடும்.

நாட்டைச் சுற்றியுள்ள கடல் பகுதிகளில் காற்று தென்மேற்கு அல்லது தெற்கு திசையிலிருந்து வீசும். காற்றின் வேகம் மணிக்கு 25-35 கி.மீ. ஆக இருக்கும். சிலாபத்திலிருந்து மன்னார் மற்றும் காங்கேசன்துறை வழியாக திருகோணமலை வரையிலான கடல் பகுதிகளில், அவ்வப்போது காற்றின் வேகம் மணிக்கு 40-45 கி.மீ. வரை அதிகரிக்கக்கூடும்.

சிலாபத்திலிருந்து மன்னார் மற்றும் காங்கேசன்துறை வழியாக திருகோணமலை வரையிலான கடல் பகுதிகள் அவ்வப்போது ஓரளவு கொந்தளிப்பாகக் காணப்படலாம்.

கருத்துக்கள் Comments

இன்னும் கருத்துக்கள் இல்லை – முதல் கருத்தை நீங்கள் எழுதுங்கள். No comments yet – be the first.

உங்கள் கருத்தைப் பகிருங்கள் Leave a comment

Your email is not shown. Comments appear after an editor checks them.