நாடளாவிய ரீதியில் நிலவும் சீரற்ற வானிலை காரணமாக இன்று (21) 38 பாடசாலைகளுக்கு விடுமுறை வழங்கப்பட்டுள்ளதாகக் கல்வி அமைச்சு தெரிவித்துள்ளது.
நிலவும் சீரற்ற வானிலையைக் கருத்திற் கொண்டு, பாடசாலைகளை நடத்துவது அல்லது விடுமுறை வழங்குவது தொடர்பான தீர்மானத்தை எடுக்கும் அதிகாரம் சம்பந்தப்பட்ட கல்வி அதிகாரிகளுக்கு வழங்கப்பட்டுள்ளதாக அமைச்சு விடுத்துள்ள அறிக்கையில் குறிப்பிடப்பட்டுள்ளது.
இதற்கமைய, இன்று காலை 9.00 மணி நிலவரப்படி மத்திய மாகாணத்தில் 35 பாடசாலைகளுக்கும், சபாரகமுவ, தென் மற்றும் மேல் மாகாணங்களில் தலா ஒரு பாடசாலை வீதமும் என மொத்தம் 38 பாடசாலைகளுக்கு இன்று (21) விடுமுறை வழங்கப்பட்டுள்ளதாகக் கல்வி அமைச்சு மேலும் தெரிவித்துள்ளது.
