எதிர்வரும் நவம்பர் மாதம் முதலாம் திகதி முதல் குறிப்பிட்ட பணிகளை மேற்கொள்ளும் போது வரி செலுத்துவதை உறுதிப்படுத்தும் இலக்கமான TIN இலக்கத்தை முன்வைப்பது கட்டாயமென தேசிய வருமான வரித் திணைக்களம் தெரிவித்துள்ளது.
இதற்கமைய வங்கி அல்லது நிறுவனமொன்றில் கணக்கொன்றை ஆரம்பித்தல், கட்டிட நிர்மாணப் பணியொன்றிற்கு அனுமதிப் பெறுதல், மோட்டார் வாகனமொன்றை பதிவு செய்தல் மற்றும் மோட்டார் வாகன அனுமதிப்பத்திரத்தை புதுப்பிக்கும் போது செல்லுபடியாகும் TIN இலக்கத்தை வழங்க வேண்டும்.
அத்துடன் காணி அல்லது காணியொன்றின் உரித்தினை பதிவு செய்தல், வியாபாரமொன்றை பதிவு செய்தல், இலங்கை கூட்டுத்தாபன நிறுவனமொன்றின் பங்குகளை கைமாற்றுதல் மற்றும் கடன் அட்டை பெற்றுக்கொள்ளும் போதும் TIN இலக்கத்தை முன்வைப்பது கட்டாயமென தேசிய வருமான வரித் திணைக்களம் சுட்டிக்காட்டியுள்ளது.
இதுவரை TIN இலக்கமொன்றை பெறாத நபர்கள் திணைக்களத்தின் ஈ-சேவை ஊடாக பதிவுகளை மேற்கொள்ள முடியுமெனவும் அறிவிக்கப்பட்டுள்ளது.
