நீதிமன்ற அவமதிப்பு வழக்கில் தண்டனை விதிக்கப்பட்ட பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு வழங்கப்பட்ட சிறைத்தண்டனையின் எஞ்சிய காலப்பகுதியை நடைமுறைப்படுத்துமாறு மேன்முறையீட்டு நீதிமன்றம் அதிகாரிகளுக்கு உத்தரவிட்டது.
சிறைச்சாலை அதிகாரிகளால் இன்று (05) ஞானசார தேரர் மேன்முறையீட்டு நீதிமன்றத்தில் முன்னிலைப்படுத்தப்பட்டதைத் தொடர்ந்து இந்த உத்தரவு பிறப்பிக்கப்பட்டது.
தண்டனையைச் செயல்படுத்துவது தொடர்பாக அவரை கைது செய்வதற்கான திறந்த பிடியாணை ஒன்று முன்னதாகவே பிறப்பிக்கப்பட்டிருந்தது.
நீதிமன்றத்தில் முன்வைக்கப்பட்ட வாதங்களைக் கருத்தில் கொண்ட பின்னர், ஞானசார தேரருக்கு விதிக்கப்பட்ட சிறைத்தண்டனையின் எஞ்சிய பகுதியைக் நடைமுறைப்படுத்துவதற்கான நடவடிக்கைகளை மேற்கொள்ளுமாறு சிறைச்சாலைகள் ஆணையாளர் நாயகத்திற்கு நீதிபதிகள் அமர்வு உத்தரவிட்டது.
