மேற்கிந்திய தீவுகளுக்கு கிரிக்கெட் சுற்றுப் பயணம் மேற்கொண்டுள்ள இலங்கை அணிக்கும், மேற்கிந்திய தீவுகள் அணிக்கும் இடையிலான முதலாவது ஒரு நாள் சர்வதேச கிரிக்கெட் போட்டி தற்போது நடைபெற்று வருகின்றது.
நாணய சுழற்சியில் வெற்றியீட்டிய இலங்கை அணி முதலில் துடுப்பெடுத்தாட தீர்மானித்தது.
இதன்படி, துடுப்பெடுத்தாடிய இலங்கை அணி 49 ஓவர்களில் சகல விக்கெட்களையும் இழந்து 232 ஓட்டங்களை பெற்றுக்கொண்டது.
இலங்கை அணி சார்பாக தனுஷ்க குணதிலக்க 55 ஓட்டங்களையும், அணித் தலைவர் திமுது கருணாரத்ன 52 ஓட்டங்களையும், அசான் பண்டார 50 ஓட்டங்களையும் பெற்றுக்கொண்டனர்.
பந்து வீச்சில் மேற்கிந்திய தீவுகள் அணி சார்பில் ஜெசன் ஹொல்டர் மற்றும் ஜெசன் மொஹமட் தலா இரண்டு விக்கெட்களை கைப்பற்றியுள்ளனர்.
இலங்கை அணியுடனான முதலாவது சர்வதேச ஒரு நாள் கிரிக்கெட் போட்டியில் மேற்கிந்திய தீவுகள் அணி 8 விக்கெட்களினால் வெற்றியீட்டியது.
மேற்கிந்திய தீவீகள் அணி சார்பில் ஷாய் ஹொப் 110 ஒட்டங்களையும், இவின் லிவிஸ் 65 ஒட்டங்களையும் பெற்றுக்கொண்டுள்ளனர்.
