பங்களாதேசத்திற்கு எதிரான மூன்று டி 20 ஆட்டத்திலும் வெற்றி பெற்று பாகிஸ்தான் அணி தொடரை கைப்பற்றியது.பங்களாதேஷுக்கு பயணம் மேற்கொண்டுள்ள பாகிஸ்தான் மூன்று இருபதுக்கு 20 மற்றும் 2 டெஸ்ட் தொடரில் விளையாடுகிறது.
முதலாவது டி 20 ஆட்டம் கடந்த வெள்ளிக்கிழமை ( 19) இடம்பெற்றது . இதில் பாகிஸ்தான் அணி 4 விக்கெட்டுகள் வித்தியாசத்தில் வெற்றி பெற்றது.இரண்டாவது டி 20 ஆட்டம் கடந்த சனிக்கிழமை (20) நடைபெற்றது இதில் 8 விக்கெட்டுக்களால் வெற்றி பெற்றிருந்தது.
இன்றைய தினம் ( 22) மூன்றாவதும் இறுதியுமான ஆட்டம் டாக்காவில் இடம்பெற்றது.இதில் பாகிஸ்தான் அணி 5 விக்கெட்டுகள் வித்தியாசத்தில் வெற்றி பெற்றது.முதலில் துடுப்பெடுத்தாடிய பங்களாதேஷ் அணி 20 ஓவர்கள் முடிவில் 7 விக்கெட்டுகள் இழப்புக்கு 124 ஓட்டங்களை பெற்றுக் கொண்டது.பங்களாதேஷ் அணியின் துடுப்பாட்டத்தில் ஆரம்ப வீரரான முஹம்மத் நயீம் 47 ஓட்டங்களை பெற்றுக் கொடுத்தார்.பாகிஸ்தான் அணியின் பந்துவீச்சில் முகம்மத் வசீம் , உஸ்மான் காதீர் தலா இரண்டு விக்கெட்டுகளை கைப்பற்றினார்கள்.
125 என்ற வெற்றி இலக்கை நோக்கி களமிறங்கிய பாகிஸ்தான் அணி 20 ஓவர்கள் முடிவில் 5 விக்கெட்டுகளை இழந்து 127 ஓட்டங்களை பெற்று வெற்றி இலக்கை அடைந்தது.இதன் மூலம் 3-0 என்ற கணக்கில் தொடரை பாகிஸ்தான் அணி வசமானது.
பாகிஸ்தான் அணியின் துடுப்பாட்டத்தில் கைதர் அலி 45(38), முஹம்மத் ரிஸ்வான் 40( 43) ஓட்டங்களை பெற்றுக் கொடுத்தனர்.கடைசி ஓவரில் வெற்றி பெற 8 ஓட்டங்கள் தேவைப்பட்ட போது மஹ்முதுல்லாஹ் சிறப்பாக பந்து வீசி முதல் 3 பந்துகளுக்கு ஓட்டங்கள் எதுவும் கொடுக்காமல் 2 விக்கெட்டுகளை வீழ்த்தி ஆட்டத்தில் பரபரப்பை ஏற்படுத்தினார்.கடைசிப் பந்தில் 2 ஓட்டங்கள் பெற வேண்டி ஏற்பட்டது இந்நிலையில் நவாஸினால் பெறப்பட்ட 4 ஓட்டத்துடன் போட்டி பாகிஸ்தான் வசமானது.போட்டி நாயகனாக கைதர் அலி மற்றும் தொடர் நாயகனாக முஹம்மத் ரிஸ்வான் தெரிவானமை குறிப்பிடத்தக்கது.
