இலங்கையர்களுக்கு நான்காவது தடுப்பூசி டோஸை வாங்கவோ அல்லது வழங்கவோ அரசாங்கம் இன்னும் முடிவு எடுக்கவில்லை என இராஜாங்க அமைச்சர் டாக்டர் சுதர்ஷினி பெர்னாண்டோபுள்ளே தெரிவித்தார்.
அதேநேரம், 3ஆவது டோஸ் மூலம் மக்களின் நோய் எதிர்ப்பு சக்தியை வலுப்படுத்தும் செயல்முறையை விரைவுபடுத்த வேண்டும் எனவும் குறிப்பிட்டுள்ளார்.
பூஸ்டர் டோஸிற்கான கொள்முதல் உத்தரவை வழங்குவது குறித்து அரசாங்கம் பரிசீலிப்பது தொடர்பில் அவர் குறிப்பிடுகையில்,
அதிக ஆபத்துள்ள குழுவின் கீழ் வரும் அனைத்து இலங்கையர்களுக்கும், பல்வேறு நோய்களால் பாதிக்கப்பட்டவர்களுக்கும் தடுப்பூசி போடுவதே அரசாங்கத்தின் இப்போதைய இலக்கு என்றும் அவர் குறிப்பிட்டுள்ளார்.
மேலும், தொற்று நோயினால் மருத்துவமனையில் அனுமதிக்கப்படுவதையும் மரணமடைவதையும் தடுக்கும் ஒரே வழி இலங்கையர்களிடையே பூஸ்டரை அல்லது 3ஆவது டோஸ் கொண்ட தாமதமான முன்னேற்றம் குறித்து அமைச்சர் பெர்னாண்டோபுள்ளே வருத்தம் தெரிவித்தார்.
‘முதல் டோஸ் கொடுக்கப்பட்ட 168,96,733 பேரில் 71, 39,133 நோயாளிகளுக்கு மட்டுமே பூஸ்டர் டோஸ் மூலம் தடுப்பூசி போடப்பட்டது, அது திருப்திகரமாக இல்லை. 60 வயதுக்கு மேற்பட்டவர்கள் மற்றும் தொற்றாத மற்றும் பிற நோய்களால் பாதிக்கப்பட்டவர்கள் அனைவரும் வைரஸ் தொற்றுக்கு எதிராக தங்களை பாதுகாக்க 3ஆவது டோஸ் அவசியம் பெற வேண்டும்,’ என்று அமைச்சர் டாக்டர் பெர்னாண்டோபுள்ளே வலியுறுத்தினார்.
உலக சுகாதார அமைப்பு இன்னும் நான்காவது டோஸை பரிந்துரைக்க உள்ள போதிலும், புற்றுநோய், சிறுநீரக செயலிழப்பு அல்லது நீரிழிவு போன்ற நோயால் பாதிக்கப்பட்ட நோயாளிகளுக்கு இஸ்ரேல், இங்கிலாந்து மற்றும் அமெரிக்கா போன்ற சில நாடுகள் 4 வது டோஸை வழங்கத் தொடங்கியுள்ளன என்றும் அவர் சுட்டிக்காட்டியுள்ளார்.
’30 வயதுக்கு மேற்பட்ட அனைத்து இலங்கையர்களும் சரியான நேரத்தில் முதல், இரண்டாவது மற்றும் மூன்றாவது டோஸ்களைப் பெற்றால், வரும் மாதங்களில் இந்த தொற்றுநோயைக் கட்டுப்படுத்த முடியும் என்று நான் நம்புகிறேன்’ என்று அமைச்சர் டாக்டர் பெர்னாண்டோபுள்ளே மேலும் தெரிவித்தார்.
