நிலவும் மழையுடனான காலநிலை காரணமாக பல ஆறுகளின் தாழ்வான பகுதிகள் வெள்ளத்தில் மூழ்கியுள்ளன.
களு கங்கை இரத்தினபுரி பிரதேசத்தில் சிறு வெள்ளப்பெருக்கை ஏற்படுத்தியுள்ளதுடன் களுகங்கையின் கிளை நதியான குடா கங்கை மில்லகந்த பிரதேசத்திலும் வெள்ளப்பெருக்கு ஏற்பட்டுள்ளது.
இதேவேளை, நில்வலா கங்கை, பனடுகம மற்றும் தல்கஹகொட பிரதேசங்களிலும் சிறு வெள்ளம் ஏற்பட்டுள்ளதாக நீர்ப்பாசன திணைக்களம் தெரிவித்துள்ளது.
இதேவேளை, களு ஆற்றின் கிளை ஆறான எல்லாவல மற்றும் களு ஆற்றின் கிளை ஆறான மகுரு ஆற்றில் சிறு வெள்ள அபாயம் உள்ளதாக நீர்ப்பாசன திணைக்களம் தெரிவித்துள்ளது.
இதேவேளை, ஜின் ஆற்றின் தவலம மற்றும் பத்தேகம பகுதிகளிலும் சிறு வெள்ள அபாயம் காணப்படுவதாக நீர்ப்பாசன திணைக்களம் தெரிவித்துள்ளது.
இதேவேளை சீரற்ற காலநிலையைத் தொடர்ந்து வெள்ள அபாயம் ஏற்படக் கூடும் என்பதால், மக்களுக்கு நிவாரண நடவடிக்கைகளை வழங்குவதற்காக இலங்கை கடற்படையினர் தற்போது 10 நிவாரணக் குழுக்களை மேற்கு மற்றும் தென் மாகாணங்களில் பல பகுதிகளில் நிலைநிறுத்தியுள்ளனர்.
கடற்படைத் தளபதி அட்மிரல் நிஷாந்த உலுகேதென்ன பணிப்புரையின் பேரில், மேற்கு கடற்படைக் கட்டளையானது இரத்தினபுரியில் 04 கடற்படை நிவாரணக் குழுக்களையும் களுத்துறை புலத்சிங்கள மற்றும் பரகொட பிரதேசங்களில் தலா 01 வெள்ள நிவாரணக் குழுக்களையும் அனுப்பியுள்ளது.
இதேபோன்று, தெற்கு கடற்படை கட்டளை மேலும் 02 நிவாரண மற்றும் மீட்புக் குழுக்களை காலியில் உள்ள தவலம மற்றும் நாகொட ஆகிய இடங்களுக்கு வெள்ள நிவாரணப் பணிகளுக்காக அனுப்பியுள்ளது.
இதனால், களுத்துறை, பரகொட பிரதேசத்தில் கடற்படையின் நிவாரணக் குழுவினர் தற்போது வெள்ள நிவாரண நடவடிக்கையில் ஈடுபட்டுள்ளனர்.
மேலும், வெள்ளத்தால் பாதிக்கப்படும் மக்களுக்கு நிவாரணம் வழங்குவதற்காக மேற்கு கடற்படை கட்டளையின் 18 நிவாரண குழுக்களும், தெற்கு கடற்படை கட்டளையின் 06 வெள்ள நிவாரண குழுக்களும் மற்றும் வடமேற்கு கடற்படை கட்டளையின் 18 நிவாரண குழுக்களும் தயார் நிலையில் வைக்கப்பட்டுள்ளன.
