சுயேட்சையாக நிற்பது பாராளுமன்றத்தில் புதிய ஃபேஷனாக மாறியுள்ளது, மேலும் பாராளுமன்ற சட்டம் இனி பின்பற்றப்படுவதில்லை என தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.
பாராளுமன்றத்தில் இன்று (08) உரையாற்றும் போதே அவர் இதனைத் தெரிவித்தார்.
இதன்போது, பாராளுமன்றத்தில் இரு தரப்புக்கும் இடையில் இடைகழி ஏற்படுவதற்குக் காரணம் அரசாங்கமும் எதிர்க்கட்சியும் இருபுறமும் அமர வேண்டும் என்பதே.
இனி பாராளுமன்ற சட்டம் இல்லை என்ற உண்மையை ஒப்புக்கொண்டு நாம் வெட்கப்பட வேண்டும்.
மேலும் பாராளுமன்ற உறுப்பினர்கள் திடீரெனத் தீர்மானித்து, சுயேட்சையாக அமரப்போவதாக நாடாளுமன்றத்தில் அறிவித்துவிட்டு, அரசாங்கம் பெரும்பான்மையை இழந்துவிட்டது என்பதுதான் இப்போது நிதர்சனமான உண்மை’ என சுமந்திரன் தெரிவித்தார்.
இலங்கை வரலாற்றில் எந்த ஒரு ஆசன எம்.பி.யும் பிரதமராக நியமிக்கப்படவில்லை என அவர் மேலும் குறிப்பிட்டுள்ளார்.
நாட்டின் பொருளாதாரத்தை சீரழித்தவர், நாட்டின் தலைமையில் இருந்து விலகவேண்டும் என்று கோரிக்கை விடுக்கின்றபோதும், அவர் தொடர்ந்தும் பதவியில் இருக்கிறார்.
நாட்டின் இன்றைய நிலைமைக்கு பொறுப்பேற்று பிரதமர் மற்றும் அமைச்சர்கள் விலகியபோது, அந்த அரசாங்கத்துக்கு பொறுப்பான தலைவரும் விலகவேண்டும் என்று சுமந்திரன் சுட்டிக்காட்டினார்.
எனினும் அதனை செய்யாத ஜனாதிபதி, இடைக்கால நிவாரணத்தை பெறுவதற்காக, ஒரே ஒரு ஆசனத்தைக் கொண்டிருந்த ரணில் விக்கிரமசிங்கவை, பிரதமராக நியமித்துள்ளார் என்றும் சுமந்திரன் குறிப்பிட்டார்.
எல்லோரும் 19வது திருத்தம் பற்றி பேசுகிறார்கள், ஆனால் ஒவ்வொரு நாளும் நாம் நேரத்தை வீணடிக்கிறோம். ஆனால் மக்கள் பதில்களை எதிர்பார்க்கிறார்கள், இதுபோன்ற முக்கியமான விடயங்களை தாமதப்படுத்துவதன் மூலம், நாங்கள் தீர்வுகளை முன்வைக்க நேரத்தை வீணடிக்கிறோம், ‘என்று அவர் மேலும் கூறினார்.
நிவாரண வரவுசெலவுத்திட்டம் வரவேற்கத்தக்கது எனவும் ஆனால் அது பற்றிய விபரங்கள் இன்னும் காணப்படவில்லை எனவும் சுமந்திரன் குறிப்பிட்டுள்ளார்.
