நபிகள் நாயகத்தை இழிவுபடுத்தும் சர்ச்சை கருத்து: குவைத் அங்காடியில் அகற்றப்படும் இந்தியத் தயாரிப்புகள்!

இந்தியாவின் ஆளும் பாரதிய ஜனதா கட்சியின் உறுப்பினர்கள் நபி அவர்களை அவமதித்த கருத்துக்களுக்கு எதிர்ப்புத் தெரிவித்து குவைத் நகருக்கு வெளியே உள்ள ஒரு பல்பொருள் அங்காடியில் இந்தியப் பொருட்களைப் புறக்கணித்துள்ளது.

இந்தியாவின் ஆளும் வலதுசாரி பாரதிய ஜனதா கட்சியின் இரண்டு உறுப்பினர்களால் இஸ்லாத்தின் நபிகள் நாயகத்தைப் பற்றி அவமதிக்கும் கருத்துக்கள் காரணமாக குவைத் பல்பொருள் அங்காடி தனது கடையில் இருந்து இந்திய தயாரிப்புகளை அகற்றியுள்ளது.

அல் ஆர்டியா கோ-ஆப்பரேட்டிவ் சொசைட்டி ஸ்டோரில் உள்ள தொழிலாளர்கள் திங்களன்று ‘இந்தியத் தயாரிப்புகளான அரிசி, மிளகாய் மற்றும் மசாலாப் பொருள்கள் உள்ள அலமாரியானது முற்றிலும் பிளாஸ்டிக் கவரால் மூடிவைக்கப்பட்டுள்ளது.

மேலும் அந்த பிளாஸ்டிக் கவரின்மீது, அரபு மொழியில் ‘இந்தியத் தயாரிப்புகளை நாங்கள் அகற்றிவிட்டோம்’ என்ற சிறிய குறிப்பும் ஒட்டப்பட்டுள்ளது.

இதன்போது, இது குறித்து ஏ.எஃப்.பி எனும் செய்தி நிறுவனத்திடம் பேசிய அந்த சூப்பர் மார்க்கெட்டின் தலைமை நிர்வாக அதிகாரி நாசர் அல்-முதாரி, ஹஹகுவைத் முஸ்லிம் மக்களாகிய நாங்கள், நபிகள் நாயகத்தை இழிவுபடுத்துவதை ஒருபோதும் ஏற்கமாட்டோம்’ எனக் கூறினார்.

மேலும், முற்றிலுமாக இந்தியத் தயாரிப்புகளை நிராகரிப்பது குறித்து பரிசீலித்துவருவதாகவும், அதிகாரியொருவர் கூறியுள்ளார்.

சவூதி அரேபியா, கத்தார் மற்றும் பிராந்தியத்தில் உள்ள பிற நாடுகளும், கெய்ரோவில் உள்ள செல்வாக்கு மிக்க அல் அஸ்ஹர் பல்கலைக்கழகமும், இந்திய பிரதமர் நரேந்திர மோடியின் கட்சியின் செய்தித் தொடர்பாளர் நூபுரின் தொலைக்காட்சி விவாதத்தில் நபி மற்றும் அவரது மனைவி ஆயிஷா ஆகியோருக்கு எதிரான அவமானகரமான கருத்துக்களைக் கண்டித்துள்ளன.

இதேவேளை, ‘தார்மீக மற்றும் மனிதாபிமான மதிப்புகள் மற்றும் கொள்கைகளுக்கு முரணானவை’ என்று கூறி, கருத்துக்களுக்கு கண்டனம் தெரிவித்த சமீபத்திய நாடு ஐக்கிய அரபு எமிரேட்ஸ்.

ஐக்கிய அரபு எமிரேட்ஸின் வெளியுறவு அமைச்சகம், ‘மதச் சின்னங்களை மதிப்பதன் அவசியத்தை… மற்றும் வெறுப்புப் பேச்சுகளை எதிர்க்க வேண்டியதன் அவசியத்தை’ அடிக்கோடிட்டுக் காட்டியதாக, அரசு செய்தி நிறுவனமான தெரிவித்துள்ளது.

மேலும், இந்தியாவின் வெளிநாட்டுத் தொழிலாளர்களுக்கு வளைகுடா நாடுகள் ஒரு முக்கிய இடமாகும், இது உலகளவில் மொத்தமுள்ள 13.5 மில்லியனில் 8.7 மில்லியன் ஆகும், இந்திய வெளியுறவு அமைச்சக புள்ளிவிவரங்கள் காட்டுகின்றன.

வர்த்தக அமைச்சரின் கூற்றுப்படி, குவைத் அதன் 95 சதவீத உணவை இறக்குமதி செய்வதோடு, அவர்கள் இந்தியாவிலிருந்தும் பிற இடங்களிலிருந்தும் விளைபொருட்களின் பெரிய இறக்குமதியாளர்களாகவும் உள்ளனர்.

2014 ஆம் ஆண்டு முதன்முதலில் தேர்ந்தெடுக்கப்பட்டதிலிருந்து இதுபோன்ற தாக்குதல்கள் குறித்து மோடியின் வழக்கமான மௌனத்தால் தைரியமடைந்த இந்து தேசியவாதிகளால் இந்தியாவின் முஸ்லிம் சிறுபான்மையினரை குறிவைத்து வன்முறை அதிகரித்து வருவதைத் தொடர்ந்து சர்ச்சைக்குரிய கருத்துக்கள் வெளிவந்துள்ளன.

பல ஆண்டுகளாக, இந்திய முஸ்லிம்கள் அவர்களின் உணவு மற்றும் உடையில் இருந்து மதங்களுக்கு இடையேயான திருமணங்கள் வரை அனைத்திற்கும் இலக்கு வைக்கப்பட்டுள்ளனர்.

மனித உரிமைகள் கண்காணிப்பகம் மற்றும் சர்வதேச மன்னிப்புச் சபை போன்ற உரிமைக் குழுக்கள் தாக்குதல்கள் அதிகரிக்கலாம் என எச்சரித்துள்ளன.

இந்தியாவின் 1.4 பில்லியன் மக்களில் 14 சதவீதத்தை கொண்ட முஸ்லிம்களுக்கு எதிரான வெறுப்புப் பேச்சை மோடியின் ஆளும் கட்சி சில சமயங்களில் செயல்படுத்துகிறது என்றும் அவர்கள் குற்றம் சாட்டியுள்ளனர்.