இந்திய பாதுகாப்பு அமைச்சரின் ஆதாரமற்ற கருத்துக்களை பாகிஸ்தான் நிராகரித்து வன்மையாக கண்டிக்கிறது.
அதேநேரம், அண்மையில், ஜம்முவில் நடந்த நிகழ்ச்சியில் இந்திய பாதுகாப்பு அமைச்சர் கூறிய தேவையற்ற மற்றும் முற்றிலும் ஏற்றுக்கொள்ள முடியாத கருத்துகளை பாகிஸ்தான் முழுமையாக நிராகரிப்பதுடன் கடுமையாக கண்டிக்கிறது.
அமைச்சர் தனது கருத்துக்களில் ஜம்மு – காஷ்மீர் பிரச்சனை பற்றி நன்கு நிறுவப்பட்ட வரலாற்று உண்மைகளை திரித்து, ஆதாரமற்ற குற்றச்சாட்டுகளை முன்வைத்தார் மற்றும் பாகிஸ்தானுக்கு எதிராக அச்சுறுத்தல்களையும் விடுத்துள்ளார்.
சர்ச்சைக்குரிய பள்ளத்தாக்கின் இந்திய-நிர்வாகப் பகுதியில் நடந்த ஒரு நிகழ்வில் இந்திய பாதுகாப்பு அமைச்சர் ராஜ்நாத் சிங்கின் “அவசியமற்ற மற்றும் முற்றிலும் ஏற்றுக்கொள்ள முடியாத கருத்துக்களை” நிராகரித்தது.
அதில் அவர் பாகிஸ்தானால் நிர்வகிக்கப்படும் காஷ்மீர் இந்தியாவின் ஒரு பகுதி என்று கூறினார்.
இந்த விடயம் தொடர்பில் பாகிஸ்தான் அறிக்கையொன்றை வெளியிட்டுள்ளது.
இந்திய சட்ட விரோதமாக ஆக்கிரமிக்கப்பட்ட ஜம்மு ரூ காஷ்மீர் மக்களின் முறையான, பூர்வீக மற்றும் நியாயமான சுதந்திரப் போராட்டத்தின் மீது, மூத்த இந்திய அரசியல்வாதி ஒருவர் அவமானப்படுத்த முயற்சிப்பது இது முதல் முறை அல்ல.
இருப்பினும், இந்திய அரசியல் பிரமுகர்களின் ஆத்திரமூட்டும் அறிக்கைகள் ஜம்மு- காஷ்மீரின் யதார்த்தத்தை மாற்ற முடியாது.
கொடூரமான சட்டங்களைத் திணித்தும், பள்ளத்தாக்கு முழுவதையும் பல தசாப்தங்களாக இராணுவ முற்றுகையின் கீழ் வைத்திருந்தும், ஆயிரக்கணக்கான அப்பாவி காஷ்மீரிகளையும் அவர்களின் உண்மையான பிரதிநிதிகளையும் சிறைபிடித்தும், 100,000 காஷ்மீரிகளை வேண்டுமென்றே கொன்றும் இந்தியாவால் ஏன் அடக்க முடியவில்லை என்பதை இந்தியா சுயபரிசோதனை செய்து கொள்வது நல்லது எனவும் பாகிஸ்தான் சுட்டிக்காட்டியுள்ளது.
மேலும், ஜம்மு ரூ காஷ்மீர் என்பது சர்வதேச அளவில் அங்கீகரிக்கப்பட்ட சர்ச்சையாகும், இது ஐக்கிய நாடுகள் சபையின் நிகழ்ச்சி நிரலில் உள்ளது மற்றும் அதன் தீர்வு தொடர்புடைய ஐநா பாதுகாப்பு கவுன்சில் தீர்மானங்களை செயல்படுத்துவதில் உள்ளது என்பதை வரலாற்றிலிருந்து இந்தியாவுக்கு நினைவூட்ட வேண்டும்.
மக்கள் தங்கள் சுயநிர்ணய உரிமையை அடைவதற்கான நியாயமான போராட்டத்தில் பாகிஸ்தான் எப்போதும் அனைத்து ஆதரவையும் அளிக்கும்.
காஷ்மீர் மக்கள் மீதான தொடர்ச்சியான மிருகத்தனம் மற்றும் ஜம்மு-காஷ்மீர் இன் மக்கள் தொகை கட்டமைப்பை மாற்றுவதற்கான சட்டவிரோத முயற்சிகளில் இருந்து இந்தியாவைத் தடுக்க நடைமுறை நடவடிக்கைகளை எடுக்குமாறு சர்வதேச சமூகத்தை பாகிஸ்தான் கேட்டுக்கொள்கிறது.
அதேநேரம், பாகிஸ்தான் பிராந்திய அமைதி மற்றும் ஸ்திரத்தன்மைக்கு ஆதரவாக உள்ளது. எந்தவொரு ஆக்கிரமிப்பு வடிவமைப்புகளையும் முறியடிக்கும் திறன் எங்களால் முழுமையாக உள்ளது.
மேலும் இது தொடர்பாக எங்கள் உறுதியையும் திறனையும் சமீபத்திய கடந்த காலங்கள் உட்பட பல சந்தர்ப்பங்களில் நாங்கள் நிரூபித்துள்ளோம் எனவும் பாகிஸ்தான் விடுத்துள்ள அறிக்கையில் குறிப்பிடப்பட்டுள்ளது.
