மக்காச்சோள விவசாயிகள் இணையத்தில் பதிவு செய்யுங்கள்!
எதிர்வரும் காலங்களில் மக்காச் சோள விவசாயிகளை இணையத்தில் பதிவு செய்வதற்கான வேலைத்திட்டம் ஒன்று தயாரிக்கப்பட்டுள்ளதாக விவசாய அமைச்சு தெரிவித்துள்ளது.
வேளாண் வளர்ச்சித் துறை இத்திட்டத்தை செயல்படுத்தி, அனைத்து விவசாயிகளின் தகவல்களையும் உள்ளடக்கிய தகவல் அமைப்புடன் கூடிய செயலி (APP) ஒன்றை அறிமுகப்படுத்தவுள்ளது.
இலங்கையில் சோளம் பயிரிடும் விவசாயிகளின் எண்ணிக்கை, அவர்களுக்கு தேவையான யூரியா உரத்தின் அளவு, அவர்கள் பயிரிடும் நிலத்தின் அளவு, கிடைக்கும் அறுவடையின் அளவு, சாகுபடி செய்யப்பட்ட நிலத்தின் சரியான இடம், போன்றவை இந்த மின்னணு பதிவு மூலம் எளிதாகக் கிடைக்கும்.
இதேவேளை சரியான தரவுகளைப் பெறுவதன் மூலம், விவசாயிகளுக்கு மக்காச்சோளச் செய்கையை ஒழுங்கான முறையில் மேற்கொள்வதற்குத் தேவையான ஆதரவை வழங்க முடியும் என்றும் அமைச்சு தெரிவித்துள்ளது.
