தேவையற்ற வகையில் எவரும் அல்லது எந்தவொரு கட்சியும் விளையாடுவதற்கு இடமளிக்காத வகையில் தற்போதைய ஜனாதிபதி ரணில் விக்கிரமசிங்க எடுத்த தீர்மானத்திற்கு அவருக்கு பாராட்டுக்களை தெரிவிக்க வேண்டும் என முதலீட்டு ஊக்குவிப்பு இராஜாங்க அமைச்சர் திலும் அமுனுகம தெரிவித்துள்ளார்.
கண்டியில் இடம்பெற்ற நிகழ்வொன்றில் உரையாற்றும் போதே அவர் இந்த விடயத்தை தெரிவித்துள்ளார்.
“இந்த நாட்டின் பல ஜனாதிபதிகளிடமிருந்து நாங்கள் எதிர்பார்த்த ஒரு முடிவை தற்போதைய ஜனாதிபதி எடுத்துள்ளார்.
இந்த நாட்டின் பொருளாதார வளர்ச்சியை மீண்டும் தடுக்க எவருக்கும் இடமளிக்கப்பட மாட்டாது. நாட்டின் சட்டம் ஒழுங்கு சீர்குலைந்து தேவையற்ற போராட்டங்களுக்கு இடமளிக்க மாட்டோம் என உறுதியான, தெளிவான அறிக்கையை வெளியிட்டுள்ளார். எந்த அரசியல் கட்சிக்கும் இதே நிலைதான்.
இந்நாட்டில் முதலீடு செய்ய எதிர்பார்த்திருந்த வெளிநாட்டு முதலீட்டாளர்களுக்கு அவரின் இந்த அறிக்கை பலம் தந்துள்ளது.
இந்த முதலீட்டாளர்கள் மத்தியில் நமது நாட்டின் அரசியல் நிலைப்பாடு குறித்து மீண்டும் நம்பிக்கை உருவாகியுள்ளது. இந்த நாட்டில் முதலீடு செய்வது குறித்து மீண்டும் விவாதிக்கின்றனர். ஹிட்லரைப் போல் இந்த நாட்டின் ஜனாதிபதியும் எப்படியாவது உறுதியான முடிவுகளை எடுக்க வேண்டும் என்று நான் முன்பே கூறியிருந்தேன்.
இம்முறை நாம் அந்தக் கருத்துக்களை வெளியிடுமுன் ஜனாதிபதி ரணில் அவர்களே, தேவைப்பட்டால் நான் ஹிட்லரைப் போன்று செயற்படத் தயார் எனத் தெரிவித்துள்ளார்.
இந்த வாசகத்தை உள்நாட்டில் அல்ல, வெளிநாட்டில் எங்களுக்கு மிகவும் பயனுள்ள அறிக்கையாக நாங்கள் பார்க்கிறோம். தொற்றுநோயுடன் இந்த நாட்டின் பொருளாதாரம் சரியாக நிர்வகிக்கப்படவில்லை என்பதை நாம் தயக்கத்துடன் ஏற்றுக்கொள்ள வேண்டும்.
ஏழ்மையான நாடாக இருந்ததால், இந்த நிலை எங்களை இன்னும் கொஞ்சம் பாதித்தது. வரிசையே இல்லாத வகையில் செயற்பட வேண்டிய பொறுப்பு அரசாங்கத்திற்கும் மத்திய வங்கிக்கும் இருப்பதாகவே நாம் கருதுகின்றோம்.
அன்று ஏதோ தவறு நடந்ததாக நாங்கள் நம்புகிறோம். இதனைக் காரணமாகக் கொண்டு பல குழுக்கள் கலவரத்தில் ஈடுபட்டன. குரங்குகள் போல் நடந்து கொண்டு அரசு கட்டிடங்களின் மேற்கூரையில் கூட ஏறி பெரும் சேதத்தை ஏற்படுத்தினர். தீ விபத்து ஏற்பட்டது. அதனால் ஏற்பட்ட பயங்கரத்தால் நமது பொருளாதாரம் மேலும் சரிந்தது.
ஒரு நாடாக நாம் தனியாக செல்ல முடியாது. ஒரு நாட்டுக்கு முதலீட்டாளர்கள் தேவை. இந்த பொருளாதார நெருக்கடிக்கு அந்நிய செலாவணிதான் தீர்வு.
அதைத்தான் அன்று நாம் இழந்தோம். வீதியில் வாகனங்கள் தீப்பற்றி எரியும் போதும், கட்டிடங்கள் தீப்பற்றி எரியும் போதும், ஜனாதிபதி மாளிகை படுக்கையில் மக்கள் மல்யுத்தம் செய்யும் போதும், ஜனாதிபதியின் உத்தியோகபூர்வ இல்லத்தின் குளியல் தொட்டியில் சோப்பு போட்டு குளிக்கும் போதும் வெளிநாட்டு முதலீட்டாளர்கள் இந்த நாட்டிற்கு வருவார்களா?
குரங்குகளும் இருக்கும் நாடு இது என்று நினைக்கிறார்கள். அப்படிப்பட்ட நாட்டில் எப்படி முதலீடு செய்வது என்று நினைக்கிறார்கள். முதலீட்டு அமைச்சர் என்ற வகையில் இந்த நாட்டிற்கு புதிய முதலீட்டாளர்கள் பெரும் சவாலை எதிர்நோக்கியுள்ளனர்.
“தற்போதைய ஜனாதிபதியின் நடத்தை மற்றும் அறிக்கைகள் மீது வெளிநாட்டு நாடுகள் நம்பிக்கை பெற்றுள்ளன. முதலீட்டாளர்கள் மீண்டும் வருகிறார்கள்.
“அடுத்த ஆண்டு நடுப்பகுதியில் நாட்டின் பொருளாதாரம் மீண்டும் வலுப்பெறத் தொடங்கும் என்று நாங்கள் நினைக்கிறோம்,” என்று அவர் மேலும் கூறினார்.
