‘mobile photography’ தொடர்பான ஒரு நாள் பயிற்சி செயலமர்வு நேற்று புத்தளம் நகரில் அமைந்திருக்கின்ற science academy வளாகத்திலே இடம்பெற்றது.
Puttalam Online , பஹன அகடமி மற்றும் ‘நியூஸ்நவ்’ ஆகிய நிறுவனங்கள் இணைந்து இந்த செயலமர்வை நடத்தியிருந்தது.
இதன்போது, இந்த செயலமர்வை நடத்துவதற்காக இஸ்தான்புல் இப்னு கல்தூன் பல்கலைக்கழகத்தின் முதுமானித்துறை மாணவரும் அதே பல்கலைக்கழகத்தின் media center னுடைய உதவி நிபுணருமான ஏ.எம். அப்துர் ரஹ்மான் வளவாளராக பங்குபற்றியிருந்தார்.
இலவசமாக நடத்தப்பட்ட இந்த செயலமர்வில் ‘Mojo’ பயிற்சியை பூர்த்தி செய்தவர்கள் உட்பட 29 தமிழ், முஸ்லிம் இளைஞர் யுவதிகள் கலந்துகொண்டு பயன்பெற்றனர்.
இந்த நிகழ்வை சிறப்பாக ஏற்பாடு செய்வதற்கு Puttalam Online இனுடைய பணிப்பாளர், ஓய்வு பெற்ற கல்விப் பணிப்பாளர் இஸட். ஏ ஸன்ஹீர் அவர்களும்,அதன் நிர்வாக உறுப்பினர் சட்டத்தரணி,அஷ்ஷேக் பஸ்லுர்ஹுர் ரஹ்மான் (நளீமி) அவர்களும் முழுமையான பங்களிப்பை வழங்கியிருந்தனர்.
இந் நிகழ்வில் துருக்கி ஸகாரியாவில் சோசியல் மீடியா துறையில் பணியாற்றுகின்ற ஏ.எம். அப்துல்லாஹ் அவர்களும் கலந்து கொண்டிருந்தார்.
நிகழ்வின் முடிவில் செயலமர்வில் கலந்து கொண்ட அனைவருக்கும் சான்றிதழ்கள் வழங்கும் நிகழ்வு இடம்பெற்றது.
