இலங்கையின் கடன் மறுசீரமைப்புக்கு சீனா சாதகமான பதிலை வழங்குவதில் ஏற்பட்ட தாமதம் சர்வதேச நாணய நிதியத்தின் கடன் வசதிக்கு முக்கிய தடையாக இருப்பதாக நீதி அமைச்சர் விஜேதாச ராஜபக்ஷ தெரிவித்துள்ளார்.
இலங்கையின் பொருளாதாரத்தில் சர்வதேச சமூகத்தின் நம்பிக்கையை நிலைநாட்டுவதற்கு சர்வதேச நாணய நிதியத்தின் ஆதரவு இலங்கைக்கு மிகவும் அவசியம் என்றும் விஜேதாச ராஜபக்ஷ வலியுறுத்தியுள்ளார்.
2021 ஆம் ஆண்டின் பிற்பகுதியில் சர்வதேச நாணய நிதியத்தின் உதவியை நாடியிருக்க வேண்டும் என்றாலும் அப்போது இருந்த மத்திய வங்கி ஆளுநர் மறுத்ததன் காரணமாக அதிலும் தாமதம் ஏற்பட்டது என நீதி அமைச்சர் விஜேதாச ராஜபக்ஷ தெரிவித்துள்ளார்.
இதேவேளை, சீனாவின் உத்தரவாதம் இல்லாமல் இலங்கைக்கு கடனுதவியை வழங்குவது குறித்து சர்வதேச நாணய நிதியம் பரிசீலித்து வருவதாக Bloomberg செய்தி வெளியிட்டிருந்தமை குறிப்பிடத்தக்கது.
