2028 TAFISA உலக விளையாட்டுப் போட்டிகளை நடத்தும் வாய்ப்பை பெற்றது சவூதி அரேபியா!

2028 TAFISA உலக விளையாட்டுப் போட்டிகளை ரியாத்தில் நடத்தும் வாய்ப்பை சவூதி அரேபியா பெற்றுள்ளது.

2028 ஆம் ஆண்டுக்கான TAFISA உலக விளையாட்டுப் போட்டிகளை நடத்தும் உரிமையை வென்றுள்ளதை அறிவிக்கும் வகையில், ரியாத்தில் கையெழுத்திடும் நிகழ்வு கடந்த திங்கட்கிழமை சவூதி அரேபியாவில்  இடம்பெற்றது.

மத்திய கிழக்கு மற்றும் வட ஆபிரிக்கா பிராந்தியத்தில் அனைத்து உலகளாவிய நிகழ்வுகளுக்கான சர்வதேச விளையாட்டு போட்டிகள்  நடத்தப்படுவது இதுவே முதல் முறையாகும்.

இந்நிகழ்வு சவூதி ஸ்போர்ட்ஸ் ஃபார் ஆல் ஃபெடரேஷனால் Saudi Sports for All Federation  (SFA),  ஏற்பாடு செய்யப்பட்டது.

TAFISA போட்டியானது மிகப்பெரிய உலகளாவிய சமூக விளையாட்டு நிகழ்வாகும்.

TAFISA பொதுச் சபை உறுப்பினர்களிடமிருந்து 171 வாக்குகளைப் பெற்ற பிறகு, சமூக விளையாட்டுகளின் ஒலிம்பிக் என அழைக்கப்படும் TAFISA  விளையாட்டுகளை நடத்த சவூதி அரேபியா தேர்ந்தெடுக்கப்பட்டது.

ரியாத் இப்போது 2028 விளையாட்டுகளை அரங்கேற்றத் தயாராகிவிட்ட நிலையில், பரந்த அளவிலான பொழுதுபோக்கு, நிகழ்வுகள் மற்றும்  ஆண்கள்,பெண்கள்  பலதரப்பட்ட குழுக்கள் மற்றும் கலாச்சாரங்களை ஒன்றிணைக்கவுள்ளது.

அதேநேரம், பொது பூங்காக்கள், ஷாப்பிங் சென்டர்கள், பாடசாலைகள் மற்றும் பல்வேறு இடங்களில் ஒரு வார கால போட்டியின் போது நடைபெறும்.

சவூதியின் விளையாட்டுத்துறை அமைச்சர் இளவரசர் அப்துல்அஜிஸ் பின் துர்கி அல்-ஃபைசல் கூறியதாவது:

விளையாட்டுத் துறையை ஆதரிப்பதற்கும், TAFISA விளையாட்டுகளை நடத்துவதற்கு அவர்கள் வழங்கிய ஆசீர்வாதத்திற்கும் மன்னர் சல்மான் மற்றும் பட்டத்து இளவரசர் முகமது பின் சல்மான் ஆகியோருக்கு நன்றி தெரிவிக்க விரும்புகிறேன்.

‘உலகெங்கிலும் உள்ள மக்கள், சமூகங்கள் மற்றும் விளையாட்டு ரசிகர்களை எங்களின் அழகிய நகரமான ரியாத்துக்கு வரவேற்கிறோம்.

‘இது பங்கேற்பாளர்களை விளையாட்டின் மகிழ்ச்சியில் மூழ்கடிக்கும் ஒரு வகையான அனுபவமாக இருக்கும் என்று நாங்கள் நம்புகிறோம்.

‘இந்த போட்டிகளை 100 நாடுகளில் இருந்து 70,000க்கும் மேற்பட்ட பங்கேற்பாளர்களை ஈர்க்கும் வகையில் அமைக்கப்பட்டுள்ளது மற்றும் இராச்சியத்தின் முன்னேற்றத்தை பிரதிபலிக்கிறது, இது உலக அரங்கில் வளர்ந்து வரும் சர்வதேச சமூக விளையாட்டு மையமாக நம்மை வேறுபடுத்துகிறது.

‘சவூதியில் குடிமக்கள் மற்றும் குடியிருப்பாளர்களின் வாழ்க்கையை வளப்படுத்துவதுடன், 2028 TAFISA உலக விளையாட்டுப் போட்டிகள், விஷன் 2030 மற்றும் வாழ்க்கைத் தரத்திட்டத்தின் இலக்குகளை அடைவதற்கான எங்கள் பணியை ஆதரிக்கும் எனவும் அவர் தெரிவித்துள்ளார்.

.