சர்ச்சைக்குரிய கருத்துக்களை வெளியிட்ட மத போதகர் ஜெரோம் பெர்னாண்டோ மற்றும் ஜிம்பாப்வே போதகர் உபேர்ட் ஏஞ்சல் ஆகியோருடன் தொடர்பு இருப்பதாகக் கூறப்படும் செய்திகளை முன்னாள் ஜனாதிபதி மஹிந்த ராஜபக்ஷ மறுத்துள்ளார்.
அதேநேரம் மதங்களுக்கு எதிராக போதகர் ஜெரோம் வெளியிட்ட இழிவான கருத்துக்களுக்கு கண்டனம் தெரிவித்த மஹிந்த, இந்த நாட்டில் மத நல்லிணக்கத்திற்கோ வெறுப்புக்கோ இடமில்லை என்றார்.
மேலும், ‘இலங்கையில் இன நல்லிணக்கத்தை ஏற்படுத்த முயற்சிக்கும் எந்தவொரு நபரின் கருத்துக்களையும் நான் வன்மையாகக் கண்டிக்கிறேன்.
‘எனக்கு ஜிம்பாப்வே ஆயர் யூபெர்ட் ஏஞ்சல் மற்றும் போதகர் ஜெரோம் பெர்னாண்டோவுடன் எந்த தொடர்பும் இல்லை, நான் பிரதமராக இருந்தபோது என்னை சந்திக்க போதகர் ஜெரோமின் அலுவலகத்தில் இருந்து கோரிக்கை விடுக்கப்பட்டது.
அந்த நேரத்தில் தான் மத விவகார அமைச்சராகவும் இருந்ததால், பாதிரியார் ஜெரோமின் அலுவலகம் பிரதமர் அலுவலகத்துடன் ஒருங்கிணைத்து ஒரு சந்திப்பைக் கோரியதாகவும் அவர் சுட்டிக்காட்டினார்.
போதகர்கள் இருவரும் என்னுடன் என் மனைவியுடன் ஒரு சிறிய பிரார்த்தனைக் கூட்டத்தை நடத்தினர்.
அது அதிகாரப்பூர்வ சந்திப்பு என்பதால், ஊடகங்களில் படங்கள் வெளியிடப்பட்டன. நான் பாதிரியார் ஜெரோம் மற்றும் யூபெர்ட் ஏஞ்சல் ஆகியோரை சந்தித்தேன். அவர்களுடன் வேறு எந்த சந்திப்பையும் நடத்தவில்லை எனவும் எனக்கு தனிப்பட்ட தொடர்புகள் எதுவும் இல்லை’ என்று மகிந்த ராஜபக்ச தெரிவித்தார்.
அதேபோல அப்போது பிரதமர் மற்றும் மத விவகாரங்களுக்குப் பொறுப்பான அமைச்சர் என்ற முறையில், மதத் தலைவர்கள் மற்றும் மத நிறுவனங்களுடன் தொடர்புடையவர்களை ஒரு நல்லெண்ணச் சைகையின் ஒரு பகுதியாகச் சந்திப்பதற்கும் அவர்களின் பிரச்சினைகளை அறியவும் நான் எப்போதும் முன்னுரிமை அளித்தேன் என்றும் கூறினார்.
அண்மைக்காலமாக கிறிஸ்தவ மதபோதகர் மதங்களுக்கு எதிராக வெளியிட்ட அறிக்கைகளை தாம் கண்டிப்பதாகவும், பௌத்தம், இஸ்லாம் மற்றும் இந்து மதத்திற்கு எதிராக வெளியிடப்பட்ட இழிவான கருத்துக்களுக்கு எதிராக குற்றப் புலனாய்வுப் பிரிவினர் தற்போது விசாரணைகளை ஆரம்பிக்கவேண்டும் எனவும் முன்னாள் ஜனாதிபதி மீண்டும் வலியுறுத்தினார்.
