மத நல்லிணக்கத்தை சீர் குலைக்கும் ‘தி கேரளா ஸ்டோரி’?: திரைப்படத்துக்கு எதிர்ப்பு ஏன்?

மற்றொரு காட்சியில், பிற பெண்களுடன் உறவை ஏற்படுத்தி அவர்களை தங்களிடம் ஒப்படைக்குமாறு முஸ்லிம் தோற்றத்தில் இருக்கும் சில ஆண்கள், இளைஞர்களிடம் கூறுகிறார்கள்.

பிறகு, ஷாலினி உன்னிகிருஷ்ணன் மதம் மாற்றப்படுதல், திருமணம், பாகிஸ்தானுக்கு கடத்தப்படுதல் என்று காட்சிகள் வருகின்றன.

அடுத்த 20 ஆண்டுகளில் கேரளா, இஸ்லாமிய மாநிலமாக மாறும் என்று கேரளாவின் முன்னாள் முதல்வர் ஒருவர் கூறியிருக்கிறார் என்கிற ஒரு வசனம் டிரெய்லரில் இடம்பெற்றுள்ளது. தமிழ், தெலுங்கு, மலையாளம், இந்தி என நான்கு மொழிகளில் மே 5-ம் திகதி  இந்தப் படம் வெளியாகவிருக்கிறது.

இப்படியொரு படம் எடுக்கப்பட்டிருப்பதற்கு கேரள முதல்வர் பினராயி விஜயன் கடும் கண்டனம் தெரிவித்திருக்கிறார்.

“தி கேரளா ஸ்டோரி’ படத்தின் ட்ரெய்லர், மதச்சார்பின்மையை அடிப்படையாக கொண்ட கேரளாவை மதத் தீவிரவாதத்தின் மையமாகச் சித்தரிக்கும் வகையில், சங்பரிவார் பிரசாரமாக இருக்கிறது.

போலிக் கதைகள் கொண்ட திரைப்படங்கள் மூலம் பிரிவினைவாத அரசியலைப் பரப்புவதற்கு சங் பரிவார் முயல்கிறது. எவ்வித உண்மையும் ஆதாரமும் இல்லாமல், கட்டுக்கதைகளைப் பரப்புகிறார்கள்.