விரிவாக்கப்பட்ட நிதி வசதி ஏற்பாட்டின் இரண்டாம் தவணைப் பகுதியைப் பாதுகாப்பதற்கான பணியாளர் மட்ட ஒப்பந்தத்தில் கைச்சாத்திடும் நோக்கில் இலங்கைக்கும் சர்வதேச நாணய நிதியத்துக்கும் இடையில் இடம்பெற்ற கலந்துரையாடல் வெற்றியடைந்துள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.
துல்லியமான திகதியை வழங்க முடியாவிட்டாலும், இரண்டாம் தவணை எதிர்வரும் வாரம் அல்லது இரண்டு வாரங்களில் வெளியிடப்படும் என எதிர்பார்ப்பதாகவும் தெரிவித்துள்ளார்.
ஆழமான பொருளாதார நெருக்கடியை இலங்கையால் ஒரே இரவில் சமாளிக்க முடியாது என்றும், எனவே ஸ்திரத்தன்மை மற்றும் இயல்புநிலையை நிலைநாட்ட பல சர்வதேச நாடுகளுடன் நீண்ட கலந்துரையாடல்கள் தேவை என்பதை பொதுமக்கள் கவனத்தில் கொள்ள வேண்டும் என்றும் அமைச்சர் குறிப்பிட்டுள்ளார்.
வர்த்தக நடவடிக்கைகள் பல நபர்களை உள்ளடக்கியதாகவும், இலங்கை மீண்டும் தன்னை தனிமைப்படுத்த முடியாது என்றும் அவர் குறிப்பிட்டுள்ளார்.
கடந்த வருடம் இலங்கையில் இருந்த நிலைமையை கருத்திற் கொண்டு பாராட்டத்தக்க முன்னேற்றம் ஏற்பட்டுள்ளதாக அமைச்சர் வலியுறுத்தினார்.
சில வேறுபாடுகளை களைவதற்கு IMF உடனான கலந்துரையாடல்கள் மிகவும் வெற்றிகரமானவை என்றும், எனவே எதிர்காலத்தில் அதிக நிதியைத் திறக்கும் நம்பிக்கையை வெளிப்படுத்துவதாகவும் அமைச்சர் குறிப்பிட்டுள்ளார்.
