ஜப்பானின் நாகசாகியின் வருடாந்த அமைதி விழாவிற்கு ஜப்பானுக்கான இஸ்ரேலிய தூதுவருக்கு அழைப்பு விடுக்கப்படவில்லை என்பதுடன் அதற்கு பதிலாக காசா போர்நிறுத்தத்திற்கு அழைப்பு விடுத்து தூதரகத்திற்கு கடிதம் அனுப்பியுள்ளதாக நாகசாகி நகர அதிகாரிகள் தெரிவித்துள்ளனர்.
1945ம் ஆண்டு ஆகஸ்ட் 6ஆம் திகதி நடந்த இரண்டாம் உலகப் போரின்போது,அமெரிக்கா ஜப்பானின் ஹிரோஷிமா நகரத்தில் அணுகுண்டை வீசியது.
அணுகுண்டு வெடிப்பின் ஆண்டு நிறைவைக் குறிக்கும் வகையில் இந்த நாளில் ஹிரோஷிமாவின் அமைதி நினைவுப் பூங்காவில் அமைதி விழா நடத்தி அனுசரிக்கப்படுகிறது.
குண்டுவீச்சின் போது கொல்லப்பட்ட அப்பாவி மக்களுக்கு அஞ்சலி செலுத்துவதற்காக உயிர் பிழைத்தவர்களும் குடிமக்களும் ஒன்று கூடி அஞ்சலி செலுத்துவர்.
இத் தினத்தை நினைவுகூரும் வகையில் பல நாடுகளின் அதிகாரிகளையும் ஜப்பான் அழைப்பு விடுத்தது.
அதற்கமைய, இஸ்ரேலைப் பொறுத்தவரை, நாளுக்கு நாள் நிலைமை மாறி வருவதால், அழைப்புக் கடிதம் அனுப்புவதை நிறுத்தி வைத்துள்ளோம் என்று நாகசாகி மேயர் ஷிரோ சுசுகி செய்தியாளர்களிடம் தெரிவித்தார்.
பலஸ்தீன குழுவான ஹமாஸ் நாட்டின் மீது நடத்திய தாக்குதலைத் தொடர்ந்து, இஸ்ரேல் கிட்டத்தட்ட எட்டு மாதங்களுக்கு முன்பு காஸாவில் இராணுவத் தாக்குதலை நடத்தியது.
அணுகுண்டு உயிரிழந்தவர்களுக்கான நினைவிடத்தை போராட்டங்கள் சீர்குலைக்கும் என்ற கவலையே இந்த முடிவின் பின்னணியில் இருப்பதாக சுசுகி தெரிவித்துள்ளார்.
காசாவின் முக்கியமான மனிதாபிமான சூழ்நிலை மற்றும் சர்வதேச சமூகத்தில் உள்ள பொதுக் கருத்து ஆகியவற்றின் அடிப்படையில், ‘பாதுகாப்பான மற்றும் சுமூகமாக இருக்க வேண்டிய விழாவின் போது எதிர்பாராத சம்பவங்கள் ஏற்படும் அபாயம் குறித்து கவலைகள் உள்ளன.
உக்ரைன் நிலைமை மாறாததால், நாங்கள் ரஷ்யாவை அழைக்கவில்லை’ என்று சுசுகி மேலும் கூறினார்.
ஹமாஸ் நடத்தும் காசாவின் சுகாதார அமைச்சு வழங்கிய தரவுகளின்படி, 36 470 பலஸ்தீனியர்கள் பெரும்பாலும் பொதுமக்கள், காசா பகுதியில் போர் வெடித்ததில் இருந்து கொல்லப்பட்டுள்ளனர்.
நாகசாகியில் நடைபெறும் விழாவிற்கு பலஸ்தீன தூதுவருக்கு அழைப்பு விடுக்கப்பட்டுள்ளதாக உள்ளூர் அதிகாரிகள் செவ்வாய்க்கிழமை தெரிவித்தனர்.
நாகசாகியின் அமைதிப் பூங்காவில் உள்ள அமைதியான நினைவிடத்தில் கடந்த காலங்களில் மணிகள் அடித்தல்இ புறாக்களை விடுவித்தல் மற்றும் குண்டுவெடிப்பில் பாதிக்கப்பட்டவர்களுக்கான பிரார்த்தனை விழா ஆகியவை நிகழும்.
அமெரிக்கா முதல் அணுகுண்டை வீசிய பின்னர், அங்கு கொல்லப்பட்ட 140,000 பேரின் நினைவாக ஆண்டுதோறும் ஹிரோஷிமா விழாவை நடத்துகிறது.இன்றுவரை ஜப்பான் மட்டுமே போர்க்காலத்தில் அணு ஆயுதங்களால் தாக்கப்பட்ட ஒரே நாடாக உள்ளது.
இதேவேளை ஜப்பானுக்கான பலஸ்தீன தூதுவர் இந்த விழாவிற்கு அழைக்கப்பட்டுள்ளார் என்று உள்ளூர் அதிகாரிகளை மேற்கோள்காட்டி ஏஜென்ஸ் பிரான்ஸ்-பிரஸ் செய்தி நிறுவனம் தெரிவித்துள்ளது.
