ஈரான் உள்ளிட்ட மத்திய கிழக்கு நாடுகள் மற்றும் உலகில் ஏற்படக் கூடிய நிலைமையினால் இலங்கைக்கு ஏற்படக் கூடிய பாதுகாப்பு, பொருளாதார பாதிப்புக்களை எதிர்கொள்வதற்கான முன் ஆயத்தமாக தேசிய பாதுகாப்பு தொடர்பான குழுவையும், பொருளாதாரம் தொடர்பான குழுவையும், இவற்றைக் கண்காணிக்க உயர் மட்டக் குழுவையும் நியமிக்க ஜனாதிபதி ரணில் விக்ரமசிங்க நடவடிக்கை எடுத்துள்ளார்.
ஜனாதிபதியின் ஊடகப்பிரிவு வெளியிட்டுள்ள அறிக்கையிலேயே இந்த விடயம் தெரிவிக்கப்பட்டுள்ளது.
பொது பாதுகாப்பு அமைச்சர் திரன் அலஸ், வெளிவிவகார அமைச்சர், ஜனாதிபதி சட்டத்தரணி அலி சப்ரி, மின்சாரம் மற்றும் எரிசக்தி அமைச்சர் காஞ்சன விஜேசேகர மற்றும் ஜனாதிபதியின் தலைமை அதிகாரி மற்றும் தேசிய தொடர்பான ஜனாதிபதியின் சிரேஷ்ட ஆலோசகர் சாகல ரத்நாயக்கஆகியோரின் அங்கத்துவத்துடன் தேசிய பாதுகாப்பு தொடர்பான விசேட குழு நியமிக்கப்பட்டுள்ளது.
மேலும், பொருளாதாரத்தின் மீதான தாக்கம் குறித்து ஆராய்வதற்கான குழுவின் உறுப்பினர்களாக, தலைமைப் பணியாளர்கள் மற்றும் தேசிய பாதுகாப்பு தொடர்பான ஜனாதிபதியின் சிரேஷ்ட ஆலோசகர் சாகல ரத்நாயக்க, பொருளாதார விவகாரங்களுக்கான ஜனாதிபதி ஆலோசகர், கலாநிதி ஆர்.எச்.எஸ். சமரதுங்க, நிதியமைச்சின் செயலாளர் மஹிந்த சிறிவர்தன, வெளிவிவகார அமைச்சின் செயலாளர் அருணி விஜேவர்தன, மின்வலு மற்றும் எரிசக்தி அமைச்சின் செயலாளர் கலாநிதி சுலக்ஷா ஜயவர்தன ஆகியோர் பணியாற்றி வருகின்றனர்.
ஜனாதிபதி ரணில் விக்கிரமசிங்க, பிரதமர் தினேஷ் குணவர்தன, வெளிவிவகார அமைச்சர் சட்டத்தரணி அலி சப்ரி, மின்சாரம் மற்றும் எரிசக்தி அமைச்சர் காஞ்சன விஜேசேகர, தொழில் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார, ஜனாதிபதியின் செயலாளர் சமன் ஆகியோர் இந்த இரண்டு குழுக்களின் முன்மொழிவுகளை மேற்பார்வையிட நியமிக்கப்பட்ட உயர்மட்டக் குழுவாகும்.
இலங்கையின் தேசிய பாதுகாப்பு மற்றும் பொருளாதாரத்திற்கு நேரடியாகவோ அல்லது மறைமுகமாகவோ ஏதேனும் பாதிப்புகள் ஏற்பட்டால், எடுக்கப்பட வேண்டிய பூர்வாங்க நடவடிக்கைகள் குறித்து ஆராய்ந்து, உண்மைகளை உயர்மட்டக் குழுவிடம் தெரிவிக்கும் பணியை மற்ற இரண்டு குழுக்களும் கொண்டுள்ளன.
நாட்டு மக்களுக்கு எவ்வித பாதிப்பும் ஏற்படாத வகையில் எரிபொருள் மற்றும் ஏனைய அத்தியாவசிய பொருட்களை பெற்றுக்கொள்வதில் ஏற்பட்டுள்ள பிரச்சினையை கையாளும் பொறுப்பையும் ஜனாதிபதி சம்பந்தப்பட்ட இரண்டு குழுக்களிடம் ஒப்படைத்துள்ளார்.
இரண்டு குழுக்களும் உரிய அறிக்கைகளை உயர்மட்டக் குழுவிடம் கொடுத்து, அதன் படி அவசரமாக எடுக்க வேண்டிய முடிவுகள் எட்டப்பட உள்ளன.
