சிவப்பு சீனி மீதான வட் வரியை நீக்குவதற்கான அமைச்சரவைப் பத்திரம் அடுத்த வாரம் சமர்ப்பிக்கப்படும் என, கைத்தொழில் மற்றும் தொழில் முயற்சி அபிவிருத்தி அமைச்சர் சுனில் ஹந்துன்நெத்தி தெரிவித்தார்.
நேற்றையதினம் இடம்பெற்ற, பாராளுமன்ற அமர்வில் உரையாற்றும் போதே அவர் இந்த விடயத்தை தெரிவித்துள்ளார்.
இலங்கைக்கு வெளியில் இருந்து இறக்குமதி செய்யப்படும் வெள்ளை சீனிக்கு வட் வரி அறவிடப்படுவதில்லை என்றும், இலங்கையில் உற்பத்தி செய்யப்படும் பழுப்பு சர்க்கரைக்கு 18% வட் மற்றும் 2.55% வரி விதிக்கப்படுவதாகவும் அமைச்சர் கூறினார்.
தொழிற்சாலையில் இருந்து வெளிவரும் போது ஒரு கிலோ சிவப்பு சீனி 300 ரூபாவாகவும் சந்தையில் ஒரு கிலோ வெள்ளை சீனி 220 ரூபாவாகவும் காணப்படுவதாக அமைச்சர் குறிப்பிட்டார்.
சிவப்பு சீனி அத்தியாவசியமற்ற பொருளாக வகைப்படுத்தப்பட்டுள்ளதாகவும், இலங்கைக்கு வெளியில் இருந்து கொண்டு வரப்படும் வெள்ளை சீனி அத்தியாவசியப் பொருளாக குறிப்பிடப்பட்டுள்ளதாகவும் சுனில் ஹந்துன்நெத்தி தெரிவித்தார்.
