மாதம்பை இஸ்லாஹிய்யா கலாபீடம் மற்றும் மலேசியாவில் அமைந்துள்ள மலாக்கா இஸ்லாமியப் பல்கலைக்கழகம் (Universiti Islam Melaka -UNIMEL) ஆகிய இரு நிறுவனங்களிற்குமிடையிலான புரிந்துணர்வு உன்படிக்கை (MoU) கைச்சாத்திடும் நிகழ்வு மலாக்கா இஸ்லாம் பல்கலைக்கழக உபவேந்தர் Prof. Datuk Dr. Haji Mohf Taib Bin Haji Dora தலைமையில் எதிர்வரும் செவ்வாய்க்கிழமை (14) கொழும்பு லக்ஷ்மன் கதிர்காமர் நிறுவன கேட்போர் கூடத்தில் (The Lakshman Kadirgamar Institute) நடைபெறவுள்ளது.
இந்நிகழ்வில் கெளரவ அதிதிகளாக முன்னாள் ஈரான் நாட்டுக்கான தூதுவரும், சோனக இஸ்லாமிய கலாச்சார இல்லத்தின் (Moors Islamic Cultural Home) தலைவருமான உமர் காமில் அவர்களும், மலாக்கா இஸ்லாம் பல்கலைக்கழகதத்தின் துணைவேந்தர் கலாநிதி அனஸ் பின் தாஜூதீன் அவர்களும் இலங்கைக்கான மலேசியா உயர்ஸ்தானிகர் பத்லி ஹிஷாம் ஆதம் அவர்களும் உட்பட பல பிரமுகர்கள் கலந்து சிறப்பிக்கவுள்ளனர்.
இஸ்லாஹிய்யா கலாபீடத்தின் இந்த வரலாற்று முக்கியத்துவம் வாய்ந்த நிகழ்வு இஸ்லாஹிய்யாவின் உத்தியோகபூர்வ முகநூல் பக்கத்திலும், இஸ்லாஹிய்யா யூடியூப் தளத்திலும் நேரடி ஒளிபரப்பு (Live Streaming) செய்யப்படவுள்ளது.
