Leicester, Mark feild இல் உள்ள Islamic Foundation இன் ஸ்தாபகரும் முன்னாள் தலைவருமான பேராசிரியர் குர்ஷித் அஹ்மத் நேற்று தனது 93 ஆவது வயதில் காலமானார்.
பேராசிரியர் குர்ஷித் அஹ்மத் இஸ்லாமிய பொருளாதாரம், நிதியியல், நவீன இஸ்லாமிய இயக்கங்கள் விவகாரங்களில் முன்னணி இஸ்லாமிய அறிஞராகத் திகழ்ந்தார்.
இஸ்லாமிய பொருளாதாரத்தின் தந்தை எனக் கருதப்படும் இவர் 70 க்கு மேற்பட்ட நூல்களை ஆங்கிலத்திலும் உருதிலும் எழுதி உள்ளார்.
இவரது பல நூல்கள் பல்வேறு மொழிகளுக்கும் மொழி பெயர்க்கப்பட்டு இவரது புலமை உலகமயப்படுத்தப்பட்டுள்ளது. 1973 இல் குர்ரம் முராதுடன் இணைந்து இவர் உருவாக்கிய இஸ்லாமிய நிலையம் நடுநிலை இஸ்லாமிய சிந்தனைக்கான மையமாக விளங்குகிறது.
பிரிட்டிஷ் இந்தியாவில் 1932 இல் பிறந்த பேராசிரியர் குர்ஷித் அஹ்மத், பிரிவினைக்குப் பின்னர் பாகிஸ்தானுக்கு இடம் பெயர்ந்தார். பாகிஸ்தான் ஜமாஅதே இஸ்லாமியின் பிரதித் தலைவராகவும் செயற்பட்டார்.
