சவூதி அரேபியா ரியாத்தில் உள்ள இலங்கை தூதரகம் அரபு மொழியில் “ஜன்னத் துன்யா” (பூலோக சொர்க்கம்) என்று பெயரிடப்பட்ட ஒரு புதிய ஸ்னாப்சாட் கணக்கை (Snapchat) அறிமுகப்படுத்தியுள்ளது.
இது இலங்கை சுற்றுலாவை மேம்படுத்துவதற்காக அறிமுகப்படுத்தப்பட்டுள்ளது.
பத்து வருட இடைவெளிக்குப் பிறகு, சவூதி அரேபியாவின் கிழக்கு மாகாணத்தில், ஏராளமான சுற்றுலா முகாமைத்துவ நிறுவனங்களின் பங்கேற்புடன், இலங்கை சுற்றுலா விளம்பர சாலை நிகழ்ச்சி சமீபத்தில் நடைபெற்றது.
ரியாத்தில் உள்ள இலங்கை தூதரகம், இலங்கை சுற்றுலா மேம்பாட்டு பணியகத்துடன் இணைந்து, இந்த நிகழ்ச்சியை ஏற்பாடு செய்தது. இவ்வாறான நிகழ்ச்சி ஒழுங்கமைக்கப்பட்டது இரண்டாவது முறையாகும்.
மேலும் இயற்கை அழகு, வனவிலங்கு சஃபாரிகள், நல்வாழ்வு ஓய்வு விடுதிகள் மற்றும் கலாச்சார அனுபவங்கள் உள்ளிட்ட பல்வேறு பயணச் சலுகைகளையும் வழங்குகிறது.
இந்த நிகழ்வின் போது, சவூதி அரேபியாவின் கிழக்கு மாகாணம் இலங்கை சுற்றுலாவை மேம்படுத்துவதற்கான ஒரு வலுவான சாத்தியமான சந்தை என்று சவூதி அரேபிய இராச்சியத்திற்கான இலங்கை தூதர் அமீர் அஜ்வத் வலியுறுத்தினார்.
