எழுத்து: கலித் ஹமூத் அல்-கஹ்தானி
இலங்கைக்கான சவூதி அரேபிய தூதுவர்
அமைதி மதிப்புகளுக்கான உலகளாவிய அர்ப்பணிப்பு:
ஒவ்வொரு ஆண்டும் செப்டம்பர் 21 ஆம் திகதி, உலகளாவிய மக்கள், உலக அமைதி தினத்தை கொண்டாடுகின்றனர்.
இது மக்களிடையே சகவாழ்வு மற்றும் புரிந்துணர்வின் மதிப்புகளுக்கான சர்வதேச சமூகத்தின் அர்ப்பணிப்பை புதுப்பிக்கவும், உலக பாதுகாப்பு மற்றும் நிலைத்தன்மையின் அடித்தளங்களை நிறுவுவதற்குமான சந்தர்ப்பமாகும்.
இந்த நாளில், உரையாடல் மற்றும் அமைதியான தீர்வுகளை மேம்படுத்துவதற்காக நாடுகள் எடுக்கும் முயற்சிகள் வெளிப்படுகின்றன. இவற்றில் முன்னணியில் நிற்கும் சவூதி அரேபிய அரசு, பிராந்திய மற்றும் சர்வதேச மட்டங்களில் உரையாடல், மனிதாபிமான மற்றும் அரசியல் ஒத்துழைப்பின் மதிப்புகளை ஆதரிக்கும் அமைதிக்கான குரலாக எப்போதும் இருந்து வருகிறது.
சவூதி அரேபிய அரசின் வரலாற்று ரீதியான முன்முயற்சிகள்:
சவூதி அரேபியா, அது நிறுவப்பட்டதிலிருந்து, சர்ச்சைகளைத் தீர்ப்பதற்கான சிறந்த வழிமுறையாக உரையாடல் மற்றும் புரிந்துணர்வு இருக்க வேண்டும் என்பதில் கவனம் செலுத்தி வருகிறது.
அது, 2002ஆம் ஆண்டில் அரபு அமைதி முன்முயற்சியை தொடங்கியது, இது மத்திய கிழக்கு பிராந்தியத்தில் நியாயமான மற்றும் விரிவான அமைதியை அடைவதற்கான அடிப்படை கட்டமைப்பாக இன்றும் திகழ்கிறது.
மேலும் 1989ஆம் ஆண்டில் தாயிஃப் உடன்படிக்கை லெபனானுக்கு நிலைத்தன்மையை மீட்டெடுத்து உள்நாட்டுப் போரை முடிவுக்கு கொண்டு வர உதவியது, இது அமைதியான தீர்வுகளை ஆதரிப்பதில் அரசின் ஆரம்பகால பங்கை பிரதிபலிக்கிறது.
சர்வதேச மத்தியஸ்த முயற்சிகளில் சவூதி அரேபியாவின் வகிபாகம்:
சர்வதேச அளவில், யெமென் மற்றும் சூடான் போன்ற நாடுகளில் ஏற்பட்ட பல நெருக்கடிகளில் நம்பகமான மத்தியஸ்தராக சவூதி அரேபிய அரசு செயல்பட்டது.
மனிதாபிமான மத்தியஸ்தங்கள் மற்றும் கைதிகள் பரிமாற்றம் மூலம் ரஷ்ய-உக்ரேனிய போரை முடிவுக்கு கொண்டு வரும் முயற்சிகளில் திறம்பட பங்களிப்புச்செய்தது, அமைதி என்பது தொடர்ந்து முயற்சி செய்ய வேண்டிய மூலோபாய தேர்வு என்பதை அது உறுதிப்படுத்துகிறது.
உச்சி மாநாடுகள் மற்றும் சர்வதேச சந்திப்புக்கள்:
சவூதி அரேபியாவின் பங்களிப்பு இருதரப்பு மத்தியஸ்தத்துடன் நின்றுவிடவில்லை, மாறாக அமைதியை மேம்படுத்துவதற்கான உச்சி மாநாடுகள் மற்றும் சர்வதேச சண்டிகாப்புக்களுக்கு தலைமை தங்குவது வரை விரிந்து சென்றது.
- 2017 ஆம் ஆண்டு ரியாத் அரபு-இஸ்லாமிய-அமெரிக்க உச்சி மாநாடு, இது 50க்கும் மேற்பட்ட நாடுகளின் தலைவர்களை அமெரிக்காவுடன் ஒன்றிணைத்து பயங்கரவாதத்தை எதிர்கொள்வதற்கும் அமைதியான சகவாழ்வை மேம்படுத்துவதற்குமான ஒத்துழைப்பை வலுப்படுத்தியது.
- 2020 ஆம் ஆண்டு, G20 குழுவிற்கு சவூதி அரேபியா தலைமை வகித்தது, இங்கு உலகளாவிய சவால்களை எதிர்கொள்வதற்கான சர்வதேச ஒற்றுமையின் முக்கியத்துவத்தையும் மற்றும் சுகாதார பாதுகாப்பை அமைதி மற்றும் நிலைத்தன்மையுடன் இணைப்பதன் முக்கியத்துவத்தையும் வலியுறுத்தியது
- 2023 ஜெட்டா அரபு உச்சி மாநாடு, இது அரபு ஒற்றுமையை உறுதிப்படுத்தியது மற்றும் பிராந்திய நெருக்கடிகளுக்கான அரசியல் தீர்வுகளை ஆதரித்தது.
- 2023 ஆம் ஆண்டில் ஜெட்டா அரபு உச்சி மாநாட்டை நடத்தியது, இம்மாநாடு அரபு ஒற்றுமையை உறுதிப்படுத்தியதோடு பிராந்திய நெருக்கடிகளுக்கான அரசியல் தீர்வுகளை ஆதரித்தது.
- 2023 ஆம் ஆண்டில் உக்ரேனிய நெருக்கடி தொடர்பான ஜெட்டா சர்வதேச சந்திப்புக்களை நடாத்தியது, இதில் 40க்கும் மேற்பட்ட நாடுகள் பங்கேற்றன, இச்சந்திப்புக்கள் அமைதியான தீர்வுகளுக்கான அர்ப்பணிப்பை உறுதிப்படுத்தியது.
- 2025 ஆம் ஆண்டு பெப்ரவரி மாதம், ரியாத் நகரில் அமெரிக்க-ரஷ்ய அமைதி உச்சி மாநாட்டை நடாத்தடியாது, இங்கு ரஷ்ய-உக்ரேனிய போர் வெடித்ததிலிருந்து முதல் முறையாக அமெரிக்க வெளியுறவு அமைச்சர் மற்றும் அவரது ரஷ்ய அதிகாரிகள் சந்தித்ததுக்கொண்டனர். அங்கு இரு தரப்பும் தூதரக பணிகளை தொடர்வதற்கும் உரையாடலை மீண்டும் தொடங்குவதற்கும் ஒப்புதல் அளித்தனர், இது பெரும் சக்திகளுக்கிடையே தொடர்புக்கான தளமாக சவூதி அரேபியாவின் வகிபாகத்தில் சர்வதேசம் கொண்டுள்ள நம்பிக்கையை பிரதிபலிக்கிறது.
- பாலஸ்தீன பிரைச்சினைக்கு அமைதித்தீர்வு மற்றும் இரு-அரசு தீர்வை நடைமுறைப்படுத்துவதற்கான உயர்மட்ட சர்வதேச மாநாடு, இந்த மாநாடு நியூயார்க்கில் இவ்வாண்டு ஜூலை 28-29 ஆம் திகதிகளில் சவூதி அரேபிய அரசு மற்றும் பிரான்சின் கூட்டு தலைமையில் நடைபெற்றது.இந்த மாநாட்டின் விளைவாக செப்டம்பர் 12 ஆம் திகதி அன்று ஐக்கிய நாடுகளின் பொதுச் சபையில் வாக்கெடுப்பு நடைபெற்றது. வாக்கெடுப்பின் முடிவுகள் இந்தப்பிரகடனத்துக்குச் சார்பாக 142 நாடுகள் வாக்களித்தன.
அமைதி மற்றும் நிலைத்தன்மையை மேம்படுத்துவதில் அரசின் முயற்சிகள்:
மிதமான மையம் (மர்கஸ் இஃதிதால்) மற்றும் பயங்கரவாதத்தை எதிர்த்துப் போராடுவதற்கான இஸ்லாமிய இராணுவ கூட்டணியின் தலைமை போன்ற முன்முயற்சிகள் மூலம் தீவிரவாதம் மற்றும் பயங்கரவாதத்தை எதிர்த்துப் போராடுவதற்கும், மக்களிடையே உரையாடல் மற்றும் புரிந்துணர்வை மேம்படுத்துவதற்கும் சவூதி அரேபியா தொடர்ந்து முயற்சி செய்து வருவதை அது உறுதிப்படுத்துகிறது, இது சர்வதேச மட்டத்தில் அமைதியான மற்றும் நிலையான சூழலை ஏற்படுத்திடுவதற்குப் பங்களிக்கிறது.
பல்வேறு துறைகளில் சவூதி அரேபியாவின் முயற்சிகள், சர்வதேச உச்சி மாநாடுகள் மற்றும் மன்றங்களின் தலைமைத்துவத்துடன் சேர்ந்து, அமைதி என்பது தற்காலிக தேர்வு அல்ல, மாறாக அதன் தேசிய மற்றும் இராஜதந்திர அடையாளத்தின் ஒரு பகுதியை உருவாக்கும் நிலையான செய்தி என்பதை உறுதிப்படுத்துகிறது.
