தடுப்புக் காவலில் வைக்கப்பட்டு விசாரிக்கப்பட்டு வரும் ஒழுங்கமைக்கப்பட்ட குற்றச் செயல்களில் ஈடுபட்டு வந்த சந்தேகநபரான ‘கெஹெல்பத்தர பத்மே’ என அழைக்கப்படும் பத்மசிறி பெரேரா என்பவரின் சொத்துகள் முடக்கப்பட்டுள்ளன.
அவருக்கு சொந்தமானது என தெரிவிக்கப்படும் 29 பேர்ச் காணி ஒன்றும் கட்டடம் ஒன்றுமே இவ்வாறு முடக்கப்பட்டுள்ளதாக பொலிஸார் தெரிவித்தனர்.
பொலிஸ் சட்டவிரோத சொத்துகள் தொடர்பான விசாரணைப் பிரிவு இந்நடவடிக்கையை முன்னெடுத்துள்ளது.
குற்றம் மற்றும் போதைப்பொருள் கடத்தல் மூலம் கிடைக்கும் வருமானத்தைப் பயன்படுத்தி பல சொத்துக்களை வாங்கியுள்ளதாக விசாரணைகளில் தெரியவந்துள்ளது.
இவற்றின் பெறுமதி சுமார் ரூ. 50 மில்லியன் (ரூ. 5 கோடி) என தெரிவிக்கப்படுகின்றது.
இந்தச் சொத்துக்களை விற்பனை செய்தல், மாற்றுதல் அல்லது அப்புறப்படுத்துவதைத் தடுக்க, 2011 ஆம் ஆண்டின் 40 ஆம் இலக்க சட்டத்தால் திருத்தப்பட்ட 2006 ஆம் ஆண்டின் 05 ஆம் இலக்க பணமோசடி தடுப்புச் சட்டத்தின் பிரிவு 7(1) இன் கீழ், இன்று (22) முதல் ஏழு நாட்களுக்கு இந்த உத்தரவு பிறப்பிக்கப்பட்டுள்ளது.
‘கெஹல்பத்தர பத்மே’வுக்குச் சொந்தமானதாக அடையாளம் காணப்பட்ட சொத்துக்கள் பின்வருமாறு:
இல. 260/1, மடல்கமுவ, படபொத, உடுகம்பொல எனும் முகவரியில் உள்ள கபானாக்கள் கொண்ட ஒரு ஹோட்டலுக்குப் பின்னால் அமைந்துள்ள 20 பேர்ச் காணி மற்றும் பகுதியளவு கட்டி முடிக்கப்பட்ட 6 அறைகளைக் கொண்ட கட்டடம் ஒன்று. இக்கட்டடம் இல. 260/1, மடல்கமுவ, படபொத, உடுகம்பொல எனும் முகவரியில் உள்ள அதே ஹோட்டல் வளாகத்தில் அமைந்துள்ளது.
இந்தச் சொத்துக்கள் தொடர்பான சான்றுகள் மேல் நீதிமன்றத்தில் தெரிவிக்கப்பட்டுள்ளதோடு, சட்டத்தின் பிரிவுகள் 8(1) மற்றும் 8(2) இன் படி பணிநீக்கம் உத்தரவு செயல்படுத்தப்பட்டது.
அதன்படி, ‘கெஹல்பத்தர பத்மே’வுடன் தொடர்புடைய சொத்துக்கள் இன்று (22) அதிகாரப்பூர்வமாக பறிமுதல் செய்யப்பட்டன.
