இலங்கையின் வர்த்தகத் துறையில் முன்னிலை வகிக்கும் Rainco (Pvt) Ltd. நிறுவனத்தின் தலைவரும், பிரபல சமூக சேவகருமான அல்ஹாஜ் பவுஸ் அவர்களின் அன்பு மனைவி ஹாஜியானி சம்சுன் நிஹாரா பவுஸ் இன்று (17) காலை காலமானார்.
அன்னார் கடந்த சில நாட்களாக சுகயீனமுற்று சிகிச்சை பெற்று வந்த நிலையில், இன்று காலை உயிரிழந்ததாக குடும்பத்தினர் தெரிவித்துள்ளனர்.
அன்னாரின் ஜனாஸா இன்று இரவு 9:30 மணியளவில்.தெஹிவளை ஜும்மா பள்ளிவாசல் மையவாடியில் நல்லடக்கம் செய்யப்படவுள்ளது.
நாட்டின் வர்த்தக மற்றும் சமூக சேவைத் துறைகளில் அளப்பரிய பங்காற்றி வரும் அல்ஹாஜ் பவுஸ் அவர்களின் இந்த பேரிழப்பிற்கு வர்த்தக பிரமுகர்கள், சமூக ஆர்வலர்கள் மற்றும் பொதுமக்கள் என பலரும் தங்களது ஆழ்ந்த இரங்கல்களைத் தெரிவித்து வருகின்றனர்.
