19 வயதுக்குட்பட்டோருக்கான உலகக்கிண்ண தொடரில் மேற்கிந்திய தீவுகள் அணிக்கு எதிரான போட்டியில் இலங்கை அணி 3 விக்கெட்கள் வித்தியாசத்தில் வெற்றி பெற்றுள்ளது.
நேற்று (21) இடம்பெற்ற போட்டியில் முதலில் துடுப்பெடுத்தாடிய மேற்கிந்திய தீவுகள் அணி 50 ஓவர்கள் நிறைவில் 9 விக்கெட்டுக்களை இழந்து 250 ஓட்டங்களை பெற்றுக் கொண்டது.
இலங்கை அணித்தலைவர் துனித் வெல்லலா 39 ஓட்டங்களுக்கு 3 விக்கெட்டுகளை வீழ்த்தினார்.பதிலுக்கு துடுப்பெடுத்தாடிய இலங்கை அணி 48.2 ஓவர்களில் 7 விக்கெட் இழப்புக்கு 251 ஓட்டங்களைப் பெற்றுக் கொண்டது.
சதிஷ ராஜபக்ஷ 76 ஓட்டங்களையும், அஞ்சல பண்டார 40 ஓட்டங்களையும் பெற்றனர்.இதன்படி, இலங்கை அணி இதுவரை கலந்து கொண்ட மூன்று போட்டிகளிலும் வெற்றி பெற்று காலிறுதிக்கு முன்னேறியுள்ளமை குறிப்பிடத்தக்கது.
