பாதுகாப்பு அமைச்சினால் தடை செய்யப்பட்ட 11 முஸ்லிம் அமைப்புக்களிலிருந்தும் 6 அமைப்புக்களின் தடையை நீக்க அரசாங்கம் இணக்கம் தெரிவித்துள்ளதாக இஷாக் ரஹ்மான் தெரிவித்துள்ளார்.
இந்த விடயம் தொடர்பில் ‘நியூஸ் நவ்’ பாராளுமன்ற உறுப்பினர் இஷாக் ரஹ்மானை தொடர்பு கொண்டு கேட்டபோதே அவர் இவ்வாறு தெரிவித்துள்ளார்.
இதன்போது தடைசெய்யப்பட்ட 6 அமைப்புக்களும் பாரிய குண்டுவெடிப்புக்களுக்கு சம்பந்தப்பட்டதல்ல, சர்வ சாதாரணமாக நாடு, சமூகம், என்ற ரீதியில் மார்க்க அடிப்படையில் செயற்பட்ட அமைப்புக்களாகும்.
மேலும் கல்வி, பல அபிவிருத்தித் திட்டங்கள், வறுமை, பொருளாதாரம், என்ற ரீதியில் வேலைத்திட்டங்களை செயற்படுத்தி வந்துள்ளன.
எனவே இந்த அமைப்புக்கள் கடந்த 3 வருடங்களாக நிறுத்தி வைக்கப்பட்டுள்ளன. குறித்த அமைப்புக்களை மீண்டும் இயங்க வழி வகுக்குமாறு கோரிக்கை விடுக்கப்பட்டுள்ளதாக இஷாக் ரஹ்மான் தெரிவித்துள்ளார்.
மேலும் இந்த 6 அமைப்புக்களை விடுவிப்பதற்கு அரசாங்கம் இணக்கம் தெரிவித்துள்ளதாக அதற்கான செயற்பாடுகளை இடம் பெற்றுவருவதாகவும் தடை நீக்கத்துக்கான நடவடிக்கைகள் ஆரம்பிக்கப்பட்டுள்ளதாகவும் விரைவில் உத்தியோக்பூர்வமாக அறிவிக்கப்படுமெனவும் கலந்துரையாடலில் தெரிவிக்கப்பட்டதாகவும் அவர் தெரிவித்துள்ளார்.
தடைசெய்யப்பட்ட முஸ்லிம் அமைப்புக்களிலிருந்து ஆறு அமைப்புக்களை நீக்குவது தொடர்பில் நடவடிக்கை எடுக்க ஜனாதிபதியின் பணிப்புரைக்கு இணங்க நேற்று ஜனாதிபதி செயலகத்தில் ஜனாதிபதியின் சிரேஷ்ட பாதுகாப்பு ஆலோசகரும், ஜனாதிபதி அலுவலக பிரதானி சாகல ரத்நாயக்கவின் தலைமையில் இடம்பெற்ற பாதுகாப்பு அமைச்சின் அதிகாரிகளுடனான கூட்டத்தில் இநத தீர்மானம் எடுக்கப்பட்டுள்ளது.
பாராளுமன்ற உறுப்பினர்களான சட்டத்தரணி எச்.எம்.எம். ஹரீஸ், இஷாக் ரஹ்மான் ஆகியோர் இந்தக் கலந்துரையாடலில் பங்குபற்றினர்.
தடைசெய்யப்பட்டுள்ள 11 இஸ்லாமிய அமைப்புகள் வருமாறு,
யுனைடெட் தௌஹீத் ஜமாஅத் – United Thowheed Jamaath (UTJ)
2. சிலோன் தௌஹீத் ஜமாஅத் – Ceylon Thowheed Jamaath (CTJ)
3. இலங்கை தௌஹீத் ஜமாஅத் – Sri Lanka Thowheed Jamaath (SLTJ)
4. அனைத்து இலங்கை தௌஹீத் ஜமாஅத் – All Ceylon Thowheed Jamaath (ACTJ)
5. ஜமியத்துல் அன்சாரி சுன்னத்துல் மொஹமதியா – Jamiyyathul Ansaari Sunnaththul Mohomadiya (JASM)
6. தாருல் ஆதார் @ ஜமியுல் ஆதர் – Dharul Adhar @ Jamiul Adhar
7. இலங்கை இஸ்லாமிய மாணவர் இயக்கம் – Sri Lanka Islamic Student Movement (SLISM)
8. இஸ்லாமிய அரசு ஈராக் & சிரியா (ஐ.எஸ்.ஐ.எஸ்) – Islamic State of Iraq & Syria (ISIS)
9. அல்கொய்தா – Al-Qaeda
10. சேவ் த பேர்ள்ஸ் Save the Pearls
11. சூப்பர் முஸ்லீம் – Super Muslim
