விசேட வைத்தியர்களின் ஓய்வு பெறும் வயதை 63 வருடங்களாக நீடிப்பதற்கான அமைச்சரவைப் பத்திரம் இந்த வாரம் சமர்ப்பிக்கப்படும் என சுகாதார அமைச்சு அறிவித்துள்ளது.
மருத்துவத்துறையில் அதிகரித்து வரும் வெற்றிடங்களுக்கு பதிலளிக்கும் வகையில் இந்த தீர்மானம் முன்வைக்கப்பட்டுள்ளதாக அமைச்சின் செயலாளர் ஜனக ஸ்ரீ சந்திரகுப்த தெரிவித்துள்ளார்.
ஓய்வு பெறும் வயதை 63 ஆக நீடிக்க சுகாதார அமைச்சு கடந்த வாரம் பரிந்துரைத்தது, இந்தத் தகவல் மேன்முறையீட்டு நீதிமன்றத்துக்கும் தெரிவிக்கப்பட்டது.
60 வயதுடைய ஓய்வுபெறும் வயதை சவாலுக்கு உட்படுத்தி விசேட வைத்தியர்கள் குழுவினால் தாக்கல் செய்யப்பட்ட மனு தொடர்பில் இந்த விடயங்கள் முன்வைக்கப்பட்டதாக சுகாதார அமைச்சின் செயலாளர் வலியுறுத்தியுள்ளார்.
