ஐ.சி.சி உலகக் கிண்ண இருபதுக்கு இருபது தொடரின் “சூப்பர் 12” இன் 23 வது போட்டியில் மேற்கிந்தியத் தீவுகள் மற்றும் பங்களாதேஷ் அணிகள் மோதின.இப் போட்டியில் மூன்று ஓட்டங்களால் மேற்கந்திய தீவுகள் வெற்றி பெற்றுள்ளது.
போட்டியில் நாணய சுழற்சியில் வெற்றி பெற்ற பங்களாதேஷ் அணி முதலில் களத்தடுப்பை தெரிவு செய்தது.அதன்படி முதலில் துடுப்பெடுத்தாடிய மேற்கந்திய தீவுகள் அணி நிர்ணயிக்கப்பட்ட 20 ஓவர்கள் முடிவில் 7 விக்கெட்டுகளை இழந்து 142 ஓட்டங்களை பெற்றுக் கொண்டது.
மேற்கந்திய தீவுகள் அணி சார்பில் துடுப்பாட்டத்தில் நிகொலஸ் பூரண் 40 , ரோஸ்டன் சேஸ் 39 ஓட்டங்களையும் பெற்றுக் கொண்டனர்.
பங்களாதேஷின் பந்துவீச்சில் மஹ்தி ஹசன் ,முஸ்தபிஷுர் ரஹ்மான் மற்றும் இஸ்லாம் ஆகியோர் தலா இரண்டு விக்கெட்டுகளை வீழ்த்தினார்கள்.
143 என்ற வெற்றி இலக்கை நோக்கி களமிறங்கிய பங்களாதேஷ் அணி 20 ஓவர்கள் முடிவில் 5 விக்கெட்டுகளை இழந்து 139 ஓட்டங்களை பெற்றுக் கொண்டு தோல்வியை தழுவியது.
பங்களாதேஷின் துடுப்பாட்டத்தில் லிடன் தாஸ் அதிகபட்சமாக 44 ஓட்டங்களையும் , அணித்தலைவர் மஹ்முதுல்லாஹ் 31 ஓட்டங்களைப் பெற்றுக் கொடுத்தார்கள்.
