ஐசிசி உலகக் கிண்ண இருபதுக்கு இருபது தொடரின் முதலாவது அரையிறுதி போட்டி ஷெய்க் ஸெய்ட் அபுதாபி மைதானத்தில் இன்று (10) இடம்பெற்றது .இப் போட்டியில் நியூசிலாந்து அணி 5 விக்கெட்டுகளால் வெற்றி பெற்றுள்ளது.
நாணயசுழற்சியில் வெற்றி பெற்ற நியூசிலாந்து அணி முதலில் களத்தடுப்பை தெரிவு செய்தது.முதலில் துடுப்பெடுத்தாடிய இங்கிலாந்து அணி 20 ஓவர்கள் முடிவில் 4 விக்கெட்டுகளை இழந்து 166 ஓட்டங்களை பெற்றுக் கொண்டது.இங்கிலாந்து அணியின் துடுப்பாட்டத்தில் மொயின் அலி 51(37) , மாலன் 41(30) ஓட்டங்களையும் பெற்றுக் கொடுத்தனர்.
நியூசிலாந்து அணியின் பந்துவீச்சில் ஸொவ்தி ,மய்ல்ஸ மற்றும் ஜேம்ஸ் ஆகியோர் தலா 1 விக்கெட்டுகளையும் கைப்பற்றினார்கள்.
167 என்ற வெற்றி இலக்கை நோக்கி களமிறங்கிய நியூசிலாந்து அணி 19 ஓவர்கள் முடிவில் 5 விக்கெட்டுகளை இழந்து வெற்றி இலக்கை அடைந்தது.நியூசிலாந்து அணியின் துடுப்பாட்டத்தில் கடைசி நேரத்தில் அதிரடியாக ஆடி 72 ஓட்டங்களை மிட்செல் பெற்றுக் கொடுத்தார்.இங்கிலாந்து அணியின் பந்துவீச்சில் லிவிங்ஸ்டன் 2 விக்கெட்டுகளை கைப்பற்றினார்.
T20 வரலாற்றில் முதன்முறையாக இறுதிப் போட்டிக்கு நியூசிலாந்து அணி தகுதி பெற்றுள்ளமை குறிப்பிடத்தக்கது.
