பங்களாதேஷின் தென்கிழக்கு பகுதியில் உள்ள அகதிகள் முகாமின் சில பகுதிகள் தீயில் எரிந்து நாசமானதால் ஆயிரக்கணக்கான ரோஹிங்கியா மக்கள் வீடுகளை இழந்துள்ளதாக காவல்துறை தெரிவித்துள்ளது.
2017 ஆம் ஆண்டு மியான்மரில் நடத்தப்பட்ட இராணுவ அடக்குமுறையிலிருந்து தப்பிய 850,000 சிறுபான்மை முஸ்லிம்கள் “இனப்படுகொலை நோக்கத்துடன்” தூக்கிலிடப்பட்டதாக ஐக்கிய நாடுகளின் புலனாய்வாளர்கள் தெரிவித்தனர்.அவர்கள் வங்கதேசத்தின் எல்லை மாவட்டமான காக்ஸ் பஜாரில் உள்ள முகாம்களின் வலையமைப்பில் வாழ்ந்து வருகின்றனர்.
நேற்று ஞாயிற்றுக்கிழமை (09) சுமார் 1,200 வீடுகள் தீயில் எரிந்துள்ளதாக” முகாமின் பாதுகாப்புக்கு தலைமை தாங்கும் ஆயுதப்படை பொலிஸ் செய்தித் தொடர்பாளர் கம்ரான் ஹொசைன் கூறியுள்ளார்.முகாம் 16 ல் தொடங்கிய தீ மூங்கில் மற்றும் தார்ப்பாய்களால் ஆன தங்குமிடங்கள் வழியாக பரவியதால் 5,000க்கும் மேற்பட்டோர் வீடுகளை இழந்துள்ளனர் என்று அவர் கூறினார்.
மாலை 4:40 மணிக்கு [10:40 GMT] தீ தொடங்கியது மற்றும் மாலை 6:30 மணியளவில் கட்டுக்குள் கொண்டு வரப்பட்டது,” என்று அவர் AFP செய்தி நிறுவனத்திடம் கூறியுள்ளார்.அவசரகால பணியாளர்கள் தீயை கட்டுக்குள் கொண்டு வந்ததாக அகதிகளுக்கு பொறுப்பான பங்களாதேஷ் அரசு அதிகாரி முகமது ஷம்சுத் தௌசா தெரிவித்துள்ளார். தீ விபத்துக்கான காரணம் இதுவரை கண்டறியப்படவில்லை என அவர் மேலும் தெரிவித்துள்ளார்.
கனவை இழந்தேன்
22 வயதான அப்துர் ரஷீத், தீ மிகவும் பாரியதாக இருந்ததால், தனது வீடு மற்றும் தளபாடங்கள் தீயில் எரிந்து நாசமானதால்,தன்னை பாதுகாத்துக் கொள்ள வெளியே ஓடி வந்ததாகக் கூறினார்.
“எனது வீட்டில் இருந்த பொருட்கள் அனைத்தும் எரிந்து நாசமானது. என் குழந்தையும் மனைவியும் வெளியே சென்றுவிட்டனர். வீட்டில் நிறைய விஷயங்கள் இருந்தன,” என்று அவர் AFP இடம் கூறியுள்ளார்
“நான் ஒரு கூலி தொழிலாளி . தினசரி தொழில் செய்வதிலிருந்து 30,000 டாக்கா [350 டாலர்கள்] சேமித்திருந்தேன்.எனது பணம் தீயில் கருகிவிட்டது.“நான் இப்போது எனது வளங்களை இழந்து இருக்கிறேன். நான் என் கனவை இழந்துள்ளேன்.”என்று குறிப்பிட்டார்
கடந்த ஆண்டு மார்ச் மாதம், பங்களாதேஷில், உலகின் மிகப்பெரிய அகதிகள் குடியிருப்பில் உள்ள ரோஹிங்கியாக்களின் வீடுகளில் ஏற்பட்ட பெரும் தீ விபத்தில் 15 பேர் இறந்தனர் மற்றும் சுமார் 50,000 பேர் வீடற்றவர்களாகினர்.
முகம்மத் யாசின்;29, முகாம்களில் தீ பாதுகாப்பு உபகரணங்கள் இல்லாததால் கவலையடைந்தார்.“இங்கு அடிக்கடி தீ ஏற்படுகிறது. தீயை அணைக்க வழியில்லை. தண்ணீர் இல்லை. என் வீடு எரிக்கப்பட்டது. மியான்மரில் இருந்து நான் கொண்டு வந்த பல ஆவணங்களும் எரிக்கப்பட்டன. மேலும் இங்கு குளிர் நிலவுகிறது,” என்றார்.
கடந்த ஞாயிற்றுக்கிழமை மாவட்டத்தில் மற்றொரு அகதிகள் முகாமில் உள்ள அகதிகளுக்கான COVID-19 சிகிச்சை மையத்தில் மற்றொரு தீ பரவியது, இதனால் எந்த உயிரிழப்பும் ஏற்படவில்லை.
மியான்மரில் இருந்து எல்லை தாண்டி ஓடிய அகதிகளை ஏற்றுக் கொண்டதற்காக பங்களாதேஷ் நாடு கடந்த காலங்களில் பாராட்டப்பட்டது, ஆனால் அவர்களுக்கு நிரந்தர வீடுகளை அமைத்துக் கொடுப்பதில் சிறிய பங்களிப்பே உள்ளது.
மியான்மரிலிருந்து வரும் ரோஹிங்கியா அகதிகள் பல ஆண்டுகளாக மலேசியா, தாய்லாந்து, இந்தோனேஷியா போன்ற நாடுகளுக்குப் படகில் சென்று அடைக்கலம் தேடி வருகின்றனர்.கடந்த மாதம், இந்தோனேசியா ரோஹிங்கியா அகதிகள் நிரம்பிய ஒரு படகை அனுமதித்திருந்தமை குறிப்பிடத்தக்கது.
https://www.facebook.com/7382473689/posts/10160524867843690/
Source : Aljazeera News
