எதிர்வரும் தமிழ்-சிங்கள புத்தாண்டு தினத்தை முன்னிட்டு ஏப்ரல் மாதம் 8 ஆம் திகதி முதல் 19 ஆம் திகதி வரையில் பயணிகளுக்கு வசதியாக விசேட பஸ் சேவையொன்றை தேசிய போக்குவரத்து ஆணைக்குழு ஏற்படுத்தியுள்ளது.
ஏப்ரல் 15 ஆம் திகதி வரை கொழும்பில் இருந்து மற்ற மாகாணங்களுக்கு பேருந்துகள் புறப்படும் என்றும், ஏப்ரல் 15 முதல் 19 வரை இதேபோன்ற நடவடிக்கை மற்ற மாகாணங்களிலிருந்து கொழும்பு நகரத்திற்கு தொடரும் என்றும் கூறினார்.
‘எங்களிடம் Nவுஊ இல் மொத்தம் 3,200 பதிவு செய்யப்பட்ட பேருந்துகள் உள்ளன மற்றும் அவசரகால பயன்பாட்டுக்காக 1,000 பேருந்துகள் உள்ளன. பாஸ்டியன் மாவத்தை தனியார் பேருந்து நிலையத்திற்கு அதிக ஊழியர்கள் நியமிக்கப்பட்டுள்ளதாகவும் போக்குவரத்து ஆணைக்குழு தெரிவித்துள்ளது.
கர்ப்பிணிகள் மற்றும் பாலூட்டும் தாய்மார்கள் மற்றும் அவர்களது கைக்குழந்தைகளுக்கு வசதியாக விசேட ஏற்பாடுகள் செய்யப்பட்டுள்ளன.
பஸ்டியன் மாவத்தை தனியார் பஸ் நிலையத்தில் திருடர்களிடம் மக்களைப் பாதுகாக்க பொலிஸார் விசேட ரோந்துப் பணியில் ஈடுபடுத்தப்படவுள்ளனர்.
பேருந்து நிலையத்தில் பயணிகளுக்கு கொழும்பு மாநகரசபையின் ஆதரவுடன் பேருந்து நிலையத்தில் தனியான குடிநீர் வசதி ஏற்படுத்தப்படும்’ என்றார்.
மேலும், விற்பனை செய்யப்படும் உணவின் தரத்தை பராமரிக்க பேருந்து நிலைய வளாகத்தில் உள்ள அனைத்து கடைகளையும் சரிபார்க்க பொது சுகாதார ஆய்வாளர்களுக்கு தகவல் தெரிவிக்கப்பட்டது, என்றார்.
பிச்சைக்காரர்கள் பேருந்து நிலையத்திற்குள் நுழைய அனுமதிக்கப்பட மாட்டார்கள். அனைத்து தனியார் பேருந்துகளிலும் திருத்தப்பட்ட பேருந்துக் கட்டணச்சீட்டை காண்பிக்க அறிவுறுத்தப்பட்டுள்ளது.
மேலும், போக்குவரத்து வசதிகள் தொடர்பாக ஏதேனும் குறைபாடுகள் இருந்தால், 1955 என்ற கட்டணமில்லா எண்ணைப் பயன்படுத்தி பயணிகள் புகார் அளிக்கலாம் எனவும் ஆணைக்குழு தெரிவித்துள்ளது.
