எரிபொருள் விநியோகத்தை நிர்வகிப்பதற்காக எரிபொருள் நிரப்பு நிலையங்களுக்கு வருகைத்தரும் அனைத்து வாகன சாரதிகளையும் பதிவு செய்யும் முறையொன்று அறிமுகப்படுத்தப்படும் என மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.
அதற்கமைய இந்த புதிய முறை 2022 ஜூலை முதல் வாரத்தில் இருந்து அறிமுகப்படுத்தப்படவுள்ளது.
‘நிதி நிலைமையை சீரமைக்கும் வரை, 24 மணி நேர மின்சாரம் மற்றும் தடையில்லா எரிபொருள் விநியோகம் ஆகியவற்றை மீட்டெடுக்கும் வரை, வாகன ஓட்டிகளை நிரப்பு நிலையங்களில் பதிவு செய்து அவர்களுக்கு உத்தரவாதமான வார ஒதுக்கீட்டை வழங்குவதைத் தவிர எங்களுக்கு வேறு வழியில்லை’ என்று அமைச்சர் கூறினார்.
தடையில்லா மின்சாரம் மற்றும் தொடர்ச்சியான எரிபொருள் விநியோகம் ஆகியவற்றை மீட்டெடுக்கும் வரை எரிபொருள் விநியோக மேலாண்மை சாத்தியமற்றது என்று அவர் கூறினார்.
நிதிக் கட்டுப்பாடுகளுடன், இலங்கை பெற்றோலியக் கூட்டுத்தாபனத்தின் ஒரு வாரத்திற்கு நிர்வகிக்க எரிபொருளை இறக்குமதி செய்கிறது.
ஆனால் சில வாகன ஓட்டிகள் மற்றும் பிற தனி நபர்கள் தங்கள் இயந்திரங்கள் மற்றும் ஜெனரேட்டர்களுக்காக ஒரு மாதம் அல்லது அதற்கும் மேலாக எரிபொருளை சேகரிக்கின்றனர், அமைச்சர் கூறினார்.
மேலும், டீசல், ஃபர்னஸ் எண்ணெய் மற்றும் ‘நாப்தா’வுக்கு 24 மணி நேர மின்சாரம் கூடுதலாக 100 மில்லியன் அமெரிக்க டொலர்கள் மாதந்தோறும் செலவாகிறது.
எரிவாயு பற்றாக்குறையால் மின்சாரம் மற்றும் மண்ணெண்ணெய் தேவை அதிகரித்துள்ளது.
நான்கு மாதங்களுக்கு முன்பு 200 மில்லியன் அமெரிக்க டொலர்களாக இருந்த மாதாந்திர எரிபொருள் கட்டணம் 550 மில்லியன் அமெரிக்க டொலர்களாக உள்ளது’ என்று அமைச்சர் தனது டுவிட்டர் தளத்தில் பதிவிட்டுள்ளார்
