அடுத்த மாதம் முதல் தண்ணீர் கட்டணம் அதிகரிக்கப்படும்!
எதிர்வரும் செப்டெம்பர் முதலாம் திகதி முதல் நீர் கட்டணம் அதிகரிக்கப்படவுள்ளதாக தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
இதன்படி வீடுகளின் நீர் கட்டணம் 70 வீதத்தால் அதிகரிக்கப்படவுள்ளதாக சபையின் சிரேஷ்ட அதிகாரி ஒருவர் சிங்கள ஊடகமொன்றுக்கு கருத்து தெரிவித்தார்.
எவ்வாறாயினும், குறைந்த வருமானம் பெறுவோரின் வீடுகளைப் போன்று அரசுப் பாடசாலைகளிலும் குடிநீர் கட்டணம் உயர்த்தப்பட மாட்டாது என்று அந்த அதிகாரி தெரிவித்தார்.
மேலும் வணிக இடங்கள் மற்றும் நிறுவனங்களுக்கான தண்ணீர் கட்டணம் உயர்த்தப்படும் அளவு இன்னும் முடிவு செய்யப்படவில்லை.
தண்ணீர் கட்டணத்தை உயர்த்தவும் அமைச்சர்கள் குழு ஒப்புதல் அளித்துள்ளது. தேசிய நீர் வழங்கல் மற்றும் வடிகாலமைப்புச் சபை இது தொடர்பான ஆவணங்களை கடந்த வெள்ளிக்கிழமை பெற்றுக்கொண்டதாக தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
இதன்படி, இன்னும் சில தினங்களுக்குள் ஒவ்வொரு துறைக்கான நீர் கட்டண அதிகரிப்பு தொடர்பில் இறுதித் தீர்மானம் எடுத்து அதற்கான வர்த்தமானி அறிவித்தலை வெளியிடவுள்ளதாக தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
அதேபோல், 10 ஆண்டுகளுக்குப் பிறகுதான் தண்ணீர் கட்டணம் உயர்த்தப்படும். எரிபொருள் விலை அதிகரிப்பு மற்றும் மின் கட்டண அதிகரிப்பு காரணமாக செலவை குறைக்கும் நோக்கில், நீர் கட்டணத்தை அதிகரிக்கவுள்ளதாக தேசிய நீர் வழங்கல் மற்றும் வடிகாலமைப்பு சபை மேலும் தெரிவித்துள்ளது.
