முன்னாள் ஜனாதிபதிகளான மஹிந்த ராஜபக்ஷ மற்றும் கோட்டாபய ராஜபக்ச மற்றும் மேலும் இரு இராணுவ அதிகாரிகள் மீது மேலும் பொருளாதார தடைகளை விதிக்க கனடா G7 நாடுகளை ஒன்றிணைக்கும் முயற்சியில் ஈடுபட்டுள்ளதாக கனடாவின் வெளிவிவகார அமைச்சர் திருமதி மெலனி ஜோலி தெரிவித்துள்ளார்.
ஐபிசி தொலைக்காட்சிக்கு அளித்த பேட்டியிலேயே அவர் இவ்வாறு கூறியுள்ளார்.
நீண்டகாலமாக மனித உரிமை மீறல்களுக்கு உள்ளான தமிழ் சமூகத்திற்கு நீதியையும் பொறுப்புக்கூறலையும் பெற்றுக்கொடுப்பதற்கு சாதகமான வேலைத்திட்டமொன்று நடைமுறைப்படுத்தப்பட வேண்டுமென அவர் சுட்டிக்காட்டியுள்ளார்.
சர்வதேச மட்டத்தில் மாத்திரமே அதனைச் செய்ய முடியும் என அமைச்சர் குறிப்பிட்டுள்ளார்.
கனடா மனித உரிமைகளை கடுமையாகப் பாதுகாக்கும் நாடு என்றும், சர்வதேச மற்றும் பலதரப்பு மட்டத்தில் உலக அளவில் மனித உரிமைகளைப் பாதுகாக்கும் அமைப்பு இருக்க வேண்டும் என்று தனது நாடு நம்புவதாகவும் அவர் இங்கு கூறியுள்ளார்.
ஒரு நாட்டில் நடக்கும் மனித உரிமை மீறல் சம்பவங்களை கண்டுகொள்ளாமல் சட்ட மன்றம் மறைத்துவிட முடியாது என திருமதி ஜாலி சுட்டிக்காட்டியுள்ளார்.
மேலும் இலங்கையில் அமைதி நிலவ வேண்டுமானால் உண்மை வெளிவர வேண்டும் என்றும், மனித உரிமை மீறல்கள் காத்திருப்பதை உலகம் அறிய வேண்டும் என்றும் கூறியுள்ளார்.
