ஆக்கிரமிக்கப்பட்ட பலஸ்தீனப் பகுதிகளில் நிலைமை மோசமடைந்து வருவது குறித்து இலங்கை கவலை!

புனித ரமழான் மாதத்தில் அல் அக்ஸா பள்ளிவாசலில் இடம்பெற்ற சம்பவங்கள் உட்பட ஆக்கிரமிக்கப்பட்ட பலஸ்தீன பிரதேசங்களில் அண்மைக்காலமாக அதிகரித்த வன்முறைகள் குறித்து இலங்கை ஆழ்ந்த கவலை கொண்டுள்ளது.

பலஸ்தீனத்தில் இடம்பெற்ற பள்ளிவாசல் தாக்குதல் தொடர்பிலும் முஸ்லிம்கள் தாக்குதலுக்குள்ளாகுவது தொடர்பிலும் வெளிநாட்டு அலுவல்கள் அமைச்சு விசேட அறிக்கையொன்றை விடுத்துள்ளது.

இதன்போது, மோசமடைந்து வரும் மனிதாபிமான நிலைமையைத் தீர்ப்பதற்கு நிதானத்தைக் கடைப்பிடிக்கவும், அமைதியைக் கடைப்பிடிக்கவும், நிலையான நடவடிக்கைகளை எடுக்கவும் சம்பந்தப்பட்ட அனைத்து தரப்பினரையும் இலங்கை அரசாங்கம் கேட்டுக்கொள்கிறது.

ஐ.நா தீர்மானங்களின் விதிகளுக்கு இணங்க பலஸ்தீன மக்களின் அரச உரிமைக்கான தனது அசைக்க முடியாத ஆதரவை இலங்கை மீண்டும் உறுதிப்படுத்துகிறது.

நீண்ட கால பாதுகாப்பு, அமைதி மற்றும் செழிப்பு ஆகியவற்றை அடைவதற்கு முக்கியமாகும் 1967 எல்லைகளின் அடிப்படையில் அருகருகே வாழும் இரு மாநிலங்களின் சர்வதேச அளவில் ஒப்புக் கொள்ளப்பட்ட அளவுருக்களுக்கு ஏற்ப பேச்சுவார்த்தை மூலம் தீர்வு காண்பதற்கு இலங்கை உறுதிபூண்டுள்ளது.