ஜனவரி 1 ஆம் திகதி முதல் இதுவரை அவ்வப்போது 64 வகையான மருந்துகள் மற்றும் சத்திரசிகிச்சை கருவிகள் பாவனையிருந்து தற்காலிகமாகவோ அல்லது நிரந்தரமாகவோ நீக்கியுள்ளதாக சுகாதார அமைச்சின் மருத்துவ வழங்கல் பிரிவின் உத்தியோகபூர்வ இணையத்தளத்தில் தெரிவிக்கப்பட்டுள்ளது
இந்த மருந்துகள் மற்றும் அறுவை சிகிச்சை கருவிகள் ஒவ்வொன்றிற்கும் தனித்தனியே 64 சுற்றறிக்கைகள் வெளியிடப்பட்டுள்ளன, மேலும் குறைந்த தரம் மற்றும் குற்றச்சாட்டுகள் புகார்கள் காரணமாக இவை பயன்பாட்டிலிருந்து விலக்கப்பட்டுள்ளன.
அந்த பட்டியலின்படி, அவசர மருத்துவ சிகிச்சையின் போது இதயத்துடிப்பு குறையும் போது, அதை கட்டுப்படுத்தும் டோபுடமைன் என்ற மருந்து, நேற்றுமுன்தினம் (ஜூலை 16) முதல் பயன்பாட்டிலிருந்து விலக்கிக் கொள்ளப்பட்டுள்ளது.
இது தீவிர சிகிச்சை பிரிவுகள் மற்றும் அவசர மருத்துவ சிகிச்சை பிரிவுகளில் இருக்க வேண்டிய மருந்து. மேலும், காண்டாக்ட் லென்ஸ்கள், சேலைன் கேனுலா மற்றும் சில மருந்துகள் அறுவை சிகிச்சை கருவிகள் ஆகியவை பயன்பாட்டிலிருந்து நீக்கப்பட்ட பொருட்களில் அடங்கும்.
பயன்பாட்டிலிருந்து நீக்கப்பட்ட மருந்துகளில் பெரும்பாலானவை அத்தியாவசிய மற்றும் அன்றாடம் பயன்படுத்தப்படும் மருந்துகள் என சுகாதாரத் துறைகள் சுட்டிக்காட்டுகின்றன. இவ்வாறு பயன்பாட்டில் இருந்து விலக்கப்பட்ட பெரும்பாலான மருந்துகள் மற்றும் அறுவை சிகிச்சை கருவிகள் இந்தியாவில் இருந்து இறக்குமதி செய்யப்பட்டவை அல்லது இலங்கையில் தயாரிக்கப்பட்டவை.
இலங்கைக்கு தரமற்ற மருந்துகளை இறக்குமதி செய்தமை தொடர்பில் தமது சங்கம் நீண்டகாலமாக அதிகாரிகளிடம் விடயங்களை முன்வைத்து வருகின்ற போதிலும் சுகாதார அமைச்சர்கள் அதனை உதாசீனம் செய்து வருவதாக டொக்டர் ஜி.ஜி. சமல் சஞ்சீவ தெரிவித்துள்ளார்.
