புத்தளம் மாநகர சபைக்கு சொந்தமான 47-2853 இலக்க ELF வாகனத்தை திருத்துவதற்காக 21 இலட்சத்து 78 ஆயிரத்து 50 ரூபா (2,178,050.00)
புத்தளத்திலுள்ள வாகன திருத்த நிலையமொன்றுக்கு வழங்கப்படவுள்ளதாக புத்தளம் தூய தேசத்திற்கான கட்சியின் தலைவர் (Clean Nation Party) இஷாம் மரிக்கார் சுட்டிக்காட்டியுள்ளார்.
இது தொடர்பிலான ஆவணங்கள் அனைத்தும் மாநகர சபையின் PUUC/2025/04/7/277 இலக்க கோப்பில் இணைக்கப்பட்டுள்ளதாகவும் அவர் தெரிவித்துள்ளார்.
ஜுன் 2ஆம் திகதிக்கு பின்னர் புதிய மாநகர சபை பொறுப்பேற்கவுள்ள நிலையில் இந்த கொடுப்பனவை நிறுத்துமாறு அவர் நகரசபைக்கு கோரிக்கை விடுத்துள்ளார்.
இந்த கோரிக்கையினை அவர் புத்தளம் உள்ளூராட்சி சபை உதவி ஆணையாளருக்கும், புத்தளம் தொகுதி தேசிய மக்கள் சக்திக்கும், புத்தளம் மாவட்ட சர்வ மத அமைப்பு, புத்தளம் மாவட்ட செயலாளருக்கும் அனுப்பி வைத்துள்ளார்.
