சவூதி அரேபியாவில் ஒரே நாளில் எட்டு பேருக்கு மரண தண்டனை நிறைவேற்றப்பட்டுள்ளது. அவர்களில் பெரும்பாலோர் போதைப்பொருள் தொடர்பான குற்றச்சாட்டு தொடர்பான வெளிநாட்டினர் ஆவர்.
இவர்களுள் சவூதி அரேபியாவுக்குள் ஹாஷிஷ் கடத்தியதற்காக நான்கு சோமாலியர்களும் மூன்று எத்தியோப்பிய நாட்டவர்களும் தெற்குப் பகுதியான நஜ்ரானில் சனிக்கிழமை தூக்கிலிடப்பட்டுள்ளனர்.
சவூதி நபர் ஒருவர் தனது தாயைக் கொன்றதற்காக தூக்கிலிடப்பட்டார்.
2021 ஆம் ஆண்டில் போதைப்பொருள் தொடர்பான குற்றங்களுக்கான மரணதண்டனைக்கான அதிகாரப்பூர்வமற்ற தடையை சவூதி அதிகாரிகள் நீக்கியதிலிருந்து, அந்த நாடு மரணதண்டனையை துரிதப்படுத்தியுள்ளது.
2024 ஆம் ஆண்டில், சவூதி அரேபியா 345 பேருக்கு மரண தண்டனை நிறைவேற்றி சாதனை படைத்திருந்தது. அவர்களில் கிட்டத்தட்ட பாதிப்பேர் உயிருக்கு ஆபத்தான குற்றங்களுக்காக மரண தண்டனை விதிக்கப்பட்டவர்கள் என இங்கிலாந்தைத் தளமாகக் கொண்ட ரிப்ரைவ் (Reprieve) தெரிவித்துள்ளது.
இந்த ஆண்டு அந்த சாதனை முறியடிக்கப்படும் என எதிர்பார்க்கப்படுகிறது. 2025 ஆம் ஆண்டில் இதுவரையான காலப்பகுதியில் 230 பேருக்கு மரண தண்டனை நிறைவேற்றப்பட்டுள்ளது, AFP கணக்கின்படி, அவர்களில் 154 பேர் போதைப்பொருள் தொடர்பான குற்றச்சாட்டுகளுக்காக மரண தண்டனை நிறைவேற்றப்பட்டுள்ளனர்.
