இலங்கை மின்சார சபை இலங்கை பொதுப் பயன்பாட்டு ஆணையத்திடம் (PUCSL) சமர்ப்பித்த மின்சார கட்டண திருத்த முன்மொழிவு தொடர்பான பொதுமக்களின் ஆலோசனைகள் இன்றுடன் முடிவடைகின்றன.
செப்டம்பர் 18 ஆம் திகதி தொடங்கி அனைத்து மாகாணங்களையும் உள்ளடக்கிய இந்த ஆலோசனை செயல்முறை, மேல் மாகாணத்தை மையமாகக் கொண்டு இன்று அதன் இறுதி அமர்வை நடத்த திட்டமிடப்பட்டுள்ளது.
2009 ஆம் ஆண்டு 20 ஆம் இலக்க இலங்கை மின்சாரச் சட்டத்தின் பிரிவு 30 இன் படி, இலங்கை மின்சார சபை 2025 ஆகஸ்ட் 27 ஆம் திகதி ஒக்டோபர்-டிசம்பர் 2025 காலாண்டை உள்ளடக்கிய கட்டண மீளாய்வு திட்டத்தை சமர்ப்பித்தது.
மின் உற்பத்தி, விநியோகம் மற்றும் நிதி ஆகியவற்றில் அதிகரித்து வரும் செலவுகளைக் காரணம் காட்டி, CEB 6.8% கட்டண உயர்வைக் கோரியதாக PUCSL கூறுகிறது.
2025 ஜூன் மாதம் நடத்தப்பட்ட முந்தைய கட்டண மீளாய்வு ஜூன் முதல் டிசம்பர் 2025 வரையிலான காலகட்டத்தை உள்ளடக்கியது.
அதே நேரத்தில் தற்போதைய மீளாய்வு 2025 ஒக்டோபர் முதல் டிசம்பர் வரையிலான காலகட்டத்தை மையமாகக் கொண்டுள்ளது.
இந்த மாதத்தின் இரண்டாவது வாரத்தில் அனைத்து கருத்துகள் மற்றும் பரிந்துரைகளின் அடிப்படையில், PUCSL அதன் இறுதி முடிவை அறிவிக்கும் என்று எதிர்பார்க்கப்படுகிறது.
